sss
05-Mar-2008, 04:00 PM
انتي بريئه في الهوى ليه تشقين ؟
دروبه طوال ٍ عليك وعسيرهـ
رحتي بدرب ٍ ماله اصلا ً عناوين
وانتي مشاويرك من اول قصيرهـ
ياطفلة ٍ حبّت وراحت على وين ؟
عقب الهنا ذقتي الحياة المريرهـ
وينك ووين الحب والشوق والبين ؟
عنّيتي عيونك وصرتي سهيرهـ
امحق تسلّي كان ودّك تسلّين
الورد لولا اللّون وشهو عبيرهـ ؟
توّك صغيرهـ وابتديتي تحبين
من علّمك ليل السهر ياصغيرهـ ؟
بدري عليك العشق يابنت هـ الحين
حرام هذا القلب وشهو مصيرهـ ؟
خلّيتي دروسك وصرتي تحاتين
الدرس في ديرهـ وصرتي بديرهـ
وصرتي بعد من غير هذا تغارين
والمشكله يابنت منتي خبيرهـ
نصيحتي لك كان ودّك تردين
يم السعادهـ والحياة المثيرهـ
خلّك بجو العايله لا تعدّين
ماما وبابا والعجوز الظريرهـ
شيبانك اللّي مايبونك تعانين
من بينهم عشتي كأنـّـك أميرهـ
الحب قبلك هز ناس ٍ كثيرين
وخلاّ القلوب تعيش هم ٍ وحيرهـ
الحب يفضح لا انكشف داخل العين
وانتي بنفــّسك ماهقيتك بصيرهـ
طيعي كلامي واحذري لا تمادين
تراجعي لعل في الأمر خيرهـ
عيشي الطفوله والبراءهـ لك سنين
وبعدين حبّي لا غديتي كبيرهـ
دروبه طوال ٍ عليك وعسيرهـ
رحتي بدرب ٍ ماله اصلا ً عناوين
وانتي مشاويرك من اول قصيرهـ
ياطفلة ٍ حبّت وراحت على وين ؟
عقب الهنا ذقتي الحياة المريرهـ
وينك ووين الحب والشوق والبين ؟
عنّيتي عيونك وصرتي سهيرهـ
امحق تسلّي كان ودّك تسلّين
الورد لولا اللّون وشهو عبيرهـ ؟
توّك صغيرهـ وابتديتي تحبين
من علّمك ليل السهر ياصغيرهـ ؟
بدري عليك العشق يابنت هـ الحين
حرام هذا القلب وشهو مصيرهـ ؟
خلّيتي دروسك وصرتي تحاتين
الدرس في ديرهـ وصرتي بديرهـ
وصرتي بعد من غير هذا تغارين
والمشكله يابنت منتي خبيرهـ
نصيحتي لك كان ودّك تردين
يم السعادهـ والحياة المثيرهـ
خلّك بجو العايله لا تعدّين
ماما وبابا والعجوز الظريرهـ
شيبانك اللّي مايبونك تعانين
من بينهم عشتي كأنـّـك أميرهـ
الحب قبلك هز ناس ٍ كثيرين
وخلاّ القلوب تعيش هم ٍ وحيرهـ
الحب يفضح لا انكشف داخل العين
وانتي بنفــّسك ماهقيتك بصيرهـ
طيعي كلامي واحذري لا تمادين
تراجعي لعل في الأمر خيرهـ
عيشي الطفوله والبراءهـ لك سنين
وبعدين حبّي لا غديتي كبيرهـ