جعلتس للمغيره في ليله ضليمه وعيال تسثيره . . قصص الاولين

[alnory]

السلالام عليكم ..
اليوم حبيت اونسسسكم بكم قصه من الاولين ايام اجدادن جدانا :102:
اعجبتني سواليفهم وحررركاتهم اخر شيء وتضضضضضحك يالله اخليكم معها



**
السالفه الاولى

هذي اخت واخوها .. متجمعين .. وسواليف وسعه صدر ... قضت سواليفها قالت يا أخيي خ نتداعا " يعني خل ادعي عليك وتدعي علي ونشوف ايانا اكود دعوه

.. شكلها مبطيتن مادعت على احد .. :p"قالت يله انت ابد يا اخيي ..

بدا الاخو .. :-

جعلتس للمغيره ..

في ليلة ظليمه ..

وعيالٍ تسثيره ..

هنا دعا عليها ... بالمغيره .. وعلى حد فهمي هي المطر الكثير .. وليلتن مظلمه وعيالها كثار ... فتبحل بهم ...

راحت هي دعت عليه وقالت .. :-

نامت رجلك .. بين عداك ..

والشبريه بين تسلاك " كلاك "

وجعل عداك تولاك ..


ياكافي عليها .. هو دعا دعوتن ما منها شر لها .. وهي دعوتها ياكودها ... ودها ان رجله تنام وهو بين اعداه ..

ويبي يروح عنهم .. وتنام .. والشبريه اللي هي سكين صغيره .. زي الخنجر .. حول كلاه يعني رابطها ببطنه

واعداه تولاه ... وهـ يادعوتها مير هو اهون منها في دعوته ..

**

السالفه الثانيه ..

وحده تبي .. تاخذ ما من القليب وسقطت فيه ... وتصوت وتصوت ... الين سمعوها اخوانها اثنين ..

واحد من امها وابوها والثاني من ابوها ... اللي من امها خاف وذرق ولا طب في القليب اخوها .. من ابوها

هو اللي طب وطلعها .. يوم انها طلعت بدال ما تشكره ويا اخيي قالت ..

" الحبيب ابن الحبيبه في اللزا ينعى عليّه .. والبغيض ابن البغيضه كدر الجمّه عليّه "

لو يقطع قليبه لها وهو اخو من ابو ماكنه سوا شي .. الله يرحم الحال بس ..

**

السالفه الثالثه ..

هذي سالفه .. قالتها عمتي يوم ومرت وحده من البنات اللي جالسات وقامت تتمهمه ..

قالت .. :-

هذي ام وبنيتها البنيه لها حدبه .. يعني ظهرها ماهوب مستقيم شوي ..

المهم قالت الام لبنتها .. ياحدبه قومي للبهم

قالت حدبه :- يايمه ما اقوى من حدبتي ..

قالت ياحدبه قومي للرجل .. اللي هو رجلها "

قالت حدبه :- ياحدبه تلحلحي .. يوم انه لامها ماطاعت .. يوم قالت قومي لرجلتس قالت قومي ياحدبتي :D

**

والسالفه الرابعه


فيها من حدبه وامها .. مشابهه لها ..

الام ومرت بنتها قالت لها قومي دقي العيش بالمنحاز ..

قامت االبنيه مالها خلق وتدق عى هونها .. شوي شوي .. وتحكي مع روحها .. وانها ملت وكذا ..

" أدق لأمي مابي حيل .. وادق لأبوي مابي حيل .. وادق للرجل كلي حيلٍ .. حيلٍ :p "

[الكافخ]

قصص ممتعه ...

موضوعك ذكرني بالقصص ذيك الايام يوم ننام بالسطح ونتغطى بالشرشف المخطط ابو ورده ..

تخلص 80 قصه ولا طرا لنا نوم ..<< لابوكم ولابو من فكر يقص لكم ..

الله يعطيتس العافيه على هالموضوع ..

تقبلي مروري ..

[الـفـيـصـل]

الله على قصص الأولين
بس القصه الأولى والأخيره هن اللي صدز جازن لي أما الثانيه والثالثه ودي إنتس تمسحينهن بس وشوله تكثرين قصص :113:

[سكر]

قطع ياشطنهم البنت واخوها اللي يتداعون
ولا عاد ذي اللي مابين فيها فعايل اخوها من ابوها
و الثنتين الاخيرات اللي ماينفـعون اهلـهم بس يركضون لرجالهم .. :8:
تولين كل حرمه جبتي قصتيها بالموضوع اخيس من الحرمه الثانيه ههههههههههه وش ذا الجانب المظلم

[عطر الوجود]

موضوع جوناااااااااااان تعجبني هالقصص
لا تحرمينا من قصصك ياتيته خخخ لا أمزح