oooOOOO ..... مشــــكلـه تـعـانــي مـــنـها .... OOOOooo

[الكافخ]

بسم الله الرحمن الرحيم


مامنا من احد الا ويواجه مشكله او امر يصعب عليه حله .. او موقف كدر عليه شي من حياته

ولا يستطيع او لايملك ان يضع له حل ....

او لا يستطيع بان يبوح لاحد فيه او لم يتعود على الجرائه بالكلام لاحد مما في خاطره او مما يكدر خاطره


وبدورنا بهذا المنتدى كأخوه وصداقه تلزم علينا ايجاد مثل هذا الموضوع لنلتمس مافي خواطركم وقلوبكم

لعلنا نأخذ بيد احد من الاعظاء ونعيينه على شي مما يضايقه او يحزنه ونتساعد لابعاد غمه وهمه بعون الله وتوفيقه


ومن يعاني من شي والا بخاطره شي فقط عليه عرض المشكله وانا انزلها واطلب الاستشاره من الاخوان الاعظاء


وكل مشكله ومعانة ولها حل بأذن الله تعالى


علمآ ان الامر يعد ســـر .. وتطرح القضيه من قبل الاداره .. ويكون العضو صاحب القضيه مجهول للاعظاء


لكي لا يخجل ولا يتظايق من معرفه شي عنه

وهالموضوع بمساعدة الاخوان مشرفي هذا القسم سيكون باذن الله موضوع مثبت حتى وان لم يشارك احد


ونحن نمد يد العون والمساعده والباب مفتوووووح للجميع باستمرار هذا المنتدى باذن الله تعالى ..

[الوافي]

وعليكم السلام ورحمة الله وبركاته

مسااااااااك الله بالخير يالكااافخ

موضووعك في غاااية الاهمية لماا في ذلك من تباادل المشااعر بين الجميع

تشكررررررررررر من الاعمااق بانتظاار من لديه اي مشكلة لنقووم ببحث الحل

وتقبلوووووووووووو المرور

[د/ الجامعة]

هلا هلا يالكافخ مساء الخير يالعطر نعم احط يدي على يدك وسوف نتظر من لديه مشكلة حقيقية تستحق الطرح

[" دلوعة الجامعة "]

انا الحمدلله لا اعاني من مشاكل كبيره مشاكلي صغيره واجد لها حلول لكن المشكله اللي سأذكرها الان هي مشكلة قريبتي وصديقتي بنفس الوقت واتمنى تساعدوهااااا ؟؟؟؟؟؟؟

( مها فتاة تبلغ من العمر 20 سنه وهي متزوجه ولها سنه تقريباا ولديها ولد ولله الحمد ...
المشكله هي ان مها حساسه جدا جدا وهي تعيش مع اهل الزوج ومشاكلها هي عن اهل زوجها هي ليست مشاكل كبيره ولكن مشاكل بسيطه ..
وهي ان زوجها له اخ وهو الاكبر ومتزوج وساكن مع اهله والمشكله ان خالتها اللي ام زوجها وخوات زوجها كلهم يفضلووووون زوجة الاكبر مع ان مها طيبه وتحبهم ودايم تساعدهم اما زوجة اخوهم دايم ترفع صوتها على خالتها وعلى البنات وهم يخافون منها
لانها تعلم زوجها بكل شئ يصير لاهله وهم محترمينها ويخافون منها اما مها المسكينه الطيبه ماتحب المشاكل وتحب اهل زوجها وودها تسوي اي شئ علشان يرضون عنها وتحترم خالتها ولاعمرها رفعت صوتها لدرجة اذا تكلمت خالتها او خالها طبعا ام زوجها وابو زوجها تنزل راسها من شدة احترامهم لها ودايما خالتها تمدح زوجة الاكبر عند الناس وقدام مها وهي زوجة الاكبر موجوده ومها ياعمري تكتم بقلبها ولا تقول لزوجها لانها ماتبي تسبب المشاكل بين اهله وحتى يوم ولدت مااحد عبرها من اهله ولا اهدتها خالتها اي شئ مع ان معطيه لزوجة لاكبر يوم جابت بنت وخالتها كريمه كل من ولد او تزوج تهديهم اما مها زوجة ولدها لم تهديها وهي كل يوم عن يوم تسوء حالتها المسكينه ودايم تشكيلي وانا مااعرف وش اقولها وحبيت انقل هالمشكله لها المنتدى لعل وعسى القى الحلول عندكم والله مالها احد مسكينه وهي يتيمه ياليت تساعدونها وجزاااااااكم الله خير........

[الأصيلة]

غاليتي __دلوعه الجامعه

كثيرمااقرءولكن لاأجدوقت

للردفاأناأحب القراءه أكثرمن

الكتابه وكنت على وشك أن

أنهي قراءة مشكلتك حتى

أنتقل لموضوع أخرولكن

استوقفتني كلمه واحده

وهي أن صديقتك @يتيمه@

جعلتني اعيدقراءة الموضوع عدة مرات علني أستطيع مساعدتها_ _
‏@مشكله صديقتك مها
@سيناريو@يتكررفي منازل كثيره رغم ان اصحابهامتفتحون ويحبون الاطلاع ودعيني اقول لك نحن من تلك الأسرالتي وقعت فيهاتلك المشكله وتجاوزنها__

أناهنالأقدم لصديقتك بعضامن النقاط التي قدتسهم
في تجاوزمشكلتها_

اقدم لك هذه الحلول من واقع تجربه وبحكم تخصصي
الدراسي@لغه عربيه وعلوم اجتماعيه@

في البدايه_
%على صديقتك أن تحتسب الأجرعندالله سبحانه وتعالى فيماتفعله ويكفي بذلك نيتهاالصادقه_

%بماأن صديقتك حساسه ومحبه لأهل زوجهاقدلاتعبر عن مشاعرهابشكل واضح
وملموس_واليك بعض الطرق

%ام زوجهاهي المفتاح الذي تستطيع من خلاله كسب جميع من حولها_ فعليهاأن تتفنى في خدمتهاوان كانت غيرمقصره_

%عندذهابك مع زوجك للسوق اطلبي منه في البدايه شراءهديه بسيطه لأمه حتى تحس امه بحرصك وأهتمامك
بها_

%في المناسبات احرصي ان تقدمي هديه وأجعليهاعاده تتعودعليهافالهديه لهاأثركبيرفي النفس فلاأنسى
حينماقدمت زوجة أخي هديه لاأمي وهي عباره عن سجادة صلاة فخمه وعندما قدمتهالأمي_قالت لاتنسينامن دعائك_فرحت امي بهاحتى انهاقالت لهابعدفتره ان دعائي لك لاينقطع

%لاتقولي عن ام زوجك لم تهديني أي هديه فلماذاأهديها

%بالنسبه لاخواته كوني كالأخت لهن_وتقربي لهم فالابدأن يحتاجونك
قدمي بعضامن التنازلات ولكن ستكسبين الكثير_

%عندمايكون لديهم مناسبه يجب أن يكون لك دورفعال معهم قدمي المساعده حتى ولولم يطلب منك ذلك_


%أحرصي بأن يكون زوجك
يسعى لخدمة اهله وأسعادهم وذلك بأن يصطحب أهله لمكان يحبونه ولتكوني أنتي من اقترح الفكره

%شجعي زوجك عندمايقوم بأي عمل لأهله حتى لوكان بسيط ادعي له وحسسيه بقيمة ماقام به_

%مهماحدث بينك وبين اهله
لاتنقليه لزوجك_


‏@امابالنسبه لزوجة أخيه الأكبر_فصدقيني هم يتعاملون معهابدافع الخوف
وليس حبالها_ولكن الام تفعل
كل هذاحتى لاتخسرابنها_ لذاتحاول ان ترضيه بالتقرب لزوجته حتى وان كانت على خطا@

‏@وصدقيني لن يتم الحال طويلا_فلابدان زوجة اخيه الاكبرتفقدأحترمهم ويتجهلونها
وزوجهالابدأن تنكشف الغمامه امام عينه ربماعن طريق الصدفه يرى بعينه كيف
تعامل زوجته أمه فتقع بشراعمالها_

امابالنسبه لك يا مها_
تذكري انك تملكين قلوب من حولك بالطيب_
ولاتنسي قيام الليل وادعيه في سجودك ولاتشكي همك الاللذي خلقك
واحمدي الله على الحال التي
أنتي عليهافاأنتي افضل من غيرك بكثير
ودعوة الله لك أن يسعدك
ويسخرلك زوجك_

امابالنسبه لدلوعه الجامعه اقول لك_جميل جداأن تحملي
هم صديقتك وتشاركيهامشاكلها_
هذاماأستطعت تقديمه واتوقع أن من الاعضاء لديه
الحل الأمثل

بالتوفيق للجميع_

[ARSENALE]

السلام عليكم ورحمة الله وبركاته

بـارك الله فيك يـ الاصيلة

والف شكر لك يالكافخ على هذا الموضوع

[" دلوعة الجامعة "]

يعطيك الف عااااااااااااافيه أصيله وخليت مها تقرأ اللي كتبتيه لان اليوم زايرتنا بس هي تقول والله مااقصر عنهم بالهدايا لا على خالتي ولا البنات ودايم اقول لزوجي يساعدهم واعينه على ذالك بس مع هذا مافي فايده لكن تقول مها والله ارتحت من كلامها كأنها دكتوره نفسيه ويعطيك الف عااااافيه يا اصيله وانا اشكرك الف شكر تسلمين ...
أختك" دلوعة الجامعة

[الكافخ]

بسم الله الرحمن الرحيم

من باب الاستشاره ومن باب ادلو من ماعندك ...

فأنا اود المشاركه بهذي المشكله لعلي اضيف لو القليل مما قد ينفع

والمنفعه والتيسيير والسداد من الله عز وجل وان جانبت مشاركتي الصواب فهذا من نفسي ومن الشيطان

اولآ .. اود اقول للاخت التي تعاني من هذه المشكله

تمسكي باللأتكال على الله عز وجل بكل امورك .. وما من مشكله وما من معاناة الا ولها نهايه ولها حل .

فقد قدر الله عز وجل بأن يعيش الانسان بالهم والتعب امتحان له ايصبر ويشكر ام يتذمر ويجحد ويكفر .

وأود ان تعرف ان مصيبتها تعد ذره من مصائب غيرها من الناس فاللهم لك الحمد على كل حال .



وهي ان زوجها له اخ وهو الاكبر ومتزوج وساكن مع اهله والمشكله ان خالتها اللي ام زوجها وخوات زوجها كلهم يفضلووووون زوجة الاكبر مع ان مها طيبه وتحبهم ودايم تساعدهم اما زوجة اخوهم دايم ترفع صوتها على خالتها وعلى البنات وهم يخافون منها


هناء يمكن نعد ان سكن الابناء مع امهم في هذه المنزل وفي وضع زوجه الابن الاكبر وتسلطها تعد مشكله

انا مأحرض مها بأن تطلب بسكن مستقل لا .. ولكن لكي نرا ماقد يترتب من مشاكل بالمنزل الذي يحتوي على ماقالو (( حموله ))

وانا اتوقع ان تسلطها عليهم ... هو بطووووووول لسانها ... ومابين الحاريم اللسان يكفي لتسلط بعضهن على بعض وان شاء الله ان تسلطها ما يتعدا اللسان .



لانها تعلم زوجها بكل شئ يصير لاهله

تعلم زوجها .. المقصود زوجه الابن الاكبر ؟


وهم محترمينها ويخافون منها

الاحترام المتبادل واجب .. لكن لماذا يصل لدرجه الخوف الجماعي !


اما مها المسكينه الطيبه ماتحب المشاكل وتحب اهل زوجها وودها تسوي اي شئ علشان يرضون عنها وتحترم خالتها ولاعمرها رفعت صوتها لدرجة اذا تكلمت خالتها او خالها طبعا ام زوجها وابو زوجها تنزل راسها من شدة احترامها لها

ممتاز ان الواحد يفعل كل الي عليه بأتجاه الي لهم حق من خدمه واحترام وتقدير .. ومايوم احد خسر والا تحسف على هالشي .


ودايما خالتها تمدح زوجة الاكبر عند الناس وقدام مها وهي زوجة الاكبر موجوده

الام تمدح زوجة الاكبر... رغم انها ترفع صوتها عليها ؟ اذآ واحد من الاثنين

.. اما انها تبي تمدحها وهي موجوده بس عشان ترفع بها وتخليها تهداء وتدرج معهم وتنعم الفرشه على ماقالو وتغير اسلوبها وتركد من مشاكلها وهذا اسلوب كبار السن .

..او ان الام تابعه للباقين بالخوف , وتمدحها خوف منها .





ومها ياعمري تكتم بقلبها ولا تقول لزوجها لانها ماتبي تسبب المشاكل بين اهله وحتى يوم ولدت مااحد عبرها من اهله ولا اهدتها خالتها اي شئ مع ان معطيه لزوجة لاكبر يوم جابت بنت وخالتها كريمه كل من ولد او تزوج تهديهم


من الواجب ان الزوجه تحرص انها ماتضيق صدر زوجها بمشاكل البيت .

عليها انها ماتعد هذا هم .. وتوسع صدرها ولعل هديه من زوجها تنسيها ما كانت تتمنى من ام زوجها .



اما مها زوجة ولدها لم تهديها وهي كل يوم عن يوم تسوء حالتها المسكينه ودايم تشكيلي وانا مااعرف وش اقولها وحبيت انقل هالمشكله لها المنتدى لعل وعسى القى الحلول عندكم والله مالها احد مسكينه وهي يتيمه ياليت تساعدونها وجزاااااااكم الله خير........


المشكله تدور بمحورين ... ام الزوج .. زوجة الابن الاكبر .

على مها والبنات الباقيات التحلي بالشجاعه والتعامل مع زوجة الاخ من باب الاحترام لا من باب الخوف ومحاوله الاخذ والرد معها وكسبها باللين والابتسامه

واذا مانفع تجنبي التعامل معها الا بالسلام ومن بعيد لبعيد لاني احس ان زوجة الابن تعاني من شي او عندها مشكله نفسيه

اما ام الزوج .. فالوقوف معها بانك تعاملين زوجة الابن الاكبر بأحترام وانك ياخالتي احسن وحده ومامثلك وانتي صادقه بتعاملك معها .... راح يلفت انتباهها لك


وصدقيني راح يجي اليوم الي يعرفون فيه مقدارك وتعبك واخلاقك ...


وتأكدي ان صبرك على المصيبه فيه لك اجر لا يعلمه الا الله .. وعليك بالدعاء بصلاتك وأوصيك بصلاة الليل فهي مفتاح لكل خير

-اتمنى ان لا تنتظر مها ان تسمع رضى الناس عنها فل تطلب رضى الله عز وجل
ومادام انها واثقه انها ماقصرت بأتجاههم بشي فلا ترجي الا الأجر من الله


- على مها الاستمرار بواجباتها واحترامها لاهل البيت وان تزداد صبر من اجل حياتها الزوجيه ومن اجل زوجها وان تتقوى بالايمان بالله تعالى .


- التلميح من بعيد لبعيد لزوج وعلى فترات تاخذ فارق الوقت شي لابد منه فأمه تهان برضاها !!



واذا يرا اننا نستطيع خدمتها بأي شي ثاني فنحن مستعدون ..


اتمنى ان اكون اضفت شي لكلام الاخت الاصيله .

مع تمنياتي للجميع السداد والتوفيق وان يسهل امور كل من تعاني من مشكله واساله تعالى ان يزيح هم كل مهموم ويرزقنا الصبر والحكمه .


اخوك الكافخ .

[" دلوعة الجامعة "]

الله يسلمك وانشاء الله اوصلها الكلام حرف حرف يعطيك العافيه والف شكر
اختك : دلوعه

[الوافي]

الاخ الكافخ
لقد وضعت الحروف على النقاط وعليك يا اخت الصبر وزيادة الاحترام لام الزوج ولاتأخذي الامر بحساسية لانك الزوجة الثانية لاحد ابنائهم ومع مرور الوقت كل شي سوف يتعدل وعليك ان تكوني رسمية مع زوجة ابنهم الاكبر والابتعاد عن المجاملات الزايدة مع اهل الزوج

وبالله التوفيق وهذه ظاهرة كثيرة ومنتشرة

احتسبي الاجر والثواب

[رووعة النسيان]

السلام عليكم ورحمة الله وبركاته

بـارك الله فيك يـ الاصيلة

والف شكر لك يالكافخ على هذا الموضوع


لي عوده..

[الوافي]

حيااكم الله

اللي عنده مشكلة يحطها هنا وحنا بدورنا وبصدورنا وبقلوبنا نحلهاا على اللي نقدر عليه

[Tfa9eeL]

اشكررررررك كفووخـ على الموضوعـ ..
مااشاااء الله عليك ابدعت بآآختياارك لهــذآآ الموضوعـ ..
يعطيك العـآآفيه الكــآآآفخـ ..

[الـفـيـصـل]

أنا أعتقد ان المشكله بالضبط من الزوج الأخ الأصغر !!!
يمكن عنده مشاكل سابقه مع أهله يعني أمه وأخواته
وهم يتعاملون مع الزوجه بهالطريقه تحقيرا لأخوهم!!
والله أعلم !!!!؟؟:PDT_Armataz_01_40:

[الوافي]

مااعتقد يالطالب

شكرا

[سلطانة الحرف]

مشكوووور الكافخ على الموضوع الرائع بروعتك
تحياتي وتقديري

لي عودة

[|[ أَفوُقَ الَوصًفَ ~..]

اختي (دلوعة الجامعه) الله يكون بعون اختنا (مها)..

وخليها تلتجأ لربها .. وتقوم اخر الليل .. تدعوه .. وتشوف الفرق .. نصيحه تجربها ..
.................................................. .....
اخوي الكافخ ..

الف شكر لك ع موضوعك الرائع ..
لاعدمناكـ ..

[الوافي]

مشكوووورة الاخت مجنونة ع المداخلة

[لـودي ..&]

حبـآإيبــي آنـآ عندي مشكله واتمنى تسسساعدوني فيها ..:14:

<< صديقتي تكلم شاب وانا جلست فوق رآإسهاا الي ماتركته عااد هو ماقصر وهددها بنشر رقمها
ودخل الششات وكتب اسمهاا وجنبه رقمهاا ورقم اكثر من 10 كثيييير قوىآ والزبده ان الأزعاجاات كثير
وابوهاا واخوانها شكوآ بالموضوع . .:41:

والمشكله مو هنــآإ المشكلــهـ آنو كتب اسمهـآ ورقمهـآإ نكـه بالشـآت والشبـآب وربـكم بالهبــل بشكـل مـروع
ويـآحيـآتي شكله والله ينرحم تقل مو صااحيه . .
بس سرحاان وآذآ رن جوالهاا قامت تطالع اللي حوالها وتقوم .........................الخ
واحس اني انا تسببت لها وربي ضآيق صدري وقلت آستشيركــم . .
ومااخــآإب من آستشـــآر ..




آتمنــى تــردون بــدري :14:

[مزوحي]

امممممممممممممم الله يخلي السايلنتِ ..

ثاني شي تقول لاخوها ان فيه ناس زاعجيني يدقدقون علي ويعرفون من اناِ مدري كيف ! !
تقولهم هي نفسهاِ أحسن من انهم يشكون بالوضع ووو ثمين يدرون وان دروا أكيد مهوب مصدقينهاا ..
فـ لو تقولهم من الحين احسن لو عرفوا منها كويسسس لو عرفوا هم من انفسهم مششكله ..

وبعدين تخلي يطلع لهم الاسد بالجوال ويخرشهم خخخ ..
وتسوي نفسها بريئه لان مالها الا الاعتراف وتنجلد شوي وتفتك منهمِ ..
أو انها تسلم عمرها وتكذب عليهم وتقول اني ماعرف من وين جو .. لانها غلطت وصعبه يتعدل هالغلط ..
مالها الا التسذب << نصيحه فاشله انقلع انقلع بسسس

[بنوتة كيوت]

أنا رايي من الراي الأول لأخوي مزوحي انها تقول الصدز احسن من انها تسذب

لأنها سواء قالت أو ماقالت في الاخير راح يعرفوا

يعني تقول اهي من البدايه يكون افضل

بس تررررررررى رح يضيع منهااااااا شي كبير اللي هوا " ثـــــــــــقة أهلها فيها "

يعني راح يشكون في كل تصرفاتهاااااااااااااااااااااااا

لأنها ماحافظت على هذي الثقه اللي اهم اعطوها لها

ما أقول الا الله يكوووون بعونها ياااااااااااااااااااااااااااااااااااااااااااااارب :22:

[مزوحي]

بس تررررررررى رح يضيع منهااااااا شي كبير اللي هوا " ثـــــــــــقة أهلها فيها "

يعني راح يشكون في كل تصرفاتهاااااااااااااااااااااااا

لأنها ماحافظت على هذي الثقه اللي اهم اعطوها لها

ما أقول الا الله يكوووون بعونها ياااااااااااااااااااااااااااااااااااااااااااااارب :22:


بالعكسسسس ان قالت الصدز تبي تروح فيهاِ ..

وانا الصراحه اقول مالها الا الكذب ..
او انها تعترف وان اعترفت تتحمل اللي يسير لها ..

[سكر]

لا تقول لاهلها الحقيقه .. انتــــــــــــــــبهي .. ترى يصيرون مايثقون فيها
ويمكن يضربونها ويحرمونها من الجوال ومن النت ومن الدارسه ويخلونها محبوسه بالبيت
ماتدرين عن ردة فعلهم لو درو عن الحقيقة ،، مهما كان هذي بنت و سمعتها حساااسه


عندها حلين ..
الاول::::: انها تقول لاخوها هذولي ناس مزعجينها ، ومدري منين طلعو لها ،، وتقول له اكيد بنت تكرهني اخذت رقمي و نشرته بين الشباب .. تبغى تضرني
وتكون بريئة ، وتخلي اخوها يرد عليهم و يمرمطــهم ..
اذا دقو عليها الشباب ورد اخوها ، خلاص ماعاد يدقون مره ثانيه ،، ماينفع للرجال غير الرجــــــــــــــــــال

الحل الثاني :
انها تدق على الهيئة ، وتقول لهم ان فيه ارقام مضايقينها ويدقون عليها
وتعطيهم الارقام ،، والهيئة يدقون عليهم و يتفاهمون معهم ..
لا تخاف والله ان الهيئه يعرفون لهنوعيه من الشباب ، يقدرون عليهم // والشباب يخافون من الهيئه بشكـــــــل ماتتخيلنيه هههههه


وانتي جزاك الله خير على وقفتك معها والله يستر عليها و يعدي هالامر على خير ياااارب

[عاشقه عزوز]

[فقط الأعضاء المسجلين والمفعلين يمكنهم رؤية الوصلات]


[فقط الأعضاء المسجلين والمفعلين يمكنهم رؤية الوصلات]

[سكر]

لودي
قلبي معكم ، بشرينا وش صار على صديقتك .. اهوجس فيها