دورة الانوثه ( إنثى وليس الذكر كالانثى ) نسخة كاملة

[سكر]

بسم الله الرحمن الرحيم


نسخة كامله من دورة الانوثه ( أنثى وليس الذكر كالانثى ) المقامة في قسم الاسرة والمجــتمع
من تاريخ 29 /2/1431هـ
إلى 28/3 / 1431هـ

نرجو قرأة الردود في هذه المواضيع . لما تحوي من فائدة جمه


الموضوع الأول :
--------------------------------------------------------------------------------------------------------------------------------------



[فقط الأعضاء المسجلين والمفعلين يمكنهم رؤية الوصلات]



بسم الله الرحمن الرحيم
السلام عليكم ورحمة الله وبركاته


( الموضوع لي ولــكم ،
علشان اغير من نفسي و اجدد حياتي
و هو موجه لـــلبـــــــــــــــــــنات خاصه )


و من اللحين ، اقول لشباب .. اللي يبي يتطنز فينا او يهاوش
لو سمحت من اللحين مطروووود .. مع احترامي لكـ . مالك مكان بينا


نبدء على بركة الله



من اهم مايمــيز الانثى هو نعومتها ودلالها المعقول
لكن للاسف مع حياتنا وضغوطها وتأثير المجتمع علينا بدت تقل عندنا مظاهر النعومه والدلع عند بناتنا .

صرنا اربع بنات
الاوى .. مسترجله " بويه " وهم نادرات والحمد لله
والثانيه: عربجيه
الثالثه : نعووومه مره .
الرابعه : بين النعومه والعربجه . وهذي الغالب

حلات البنيه وهي ناعمه بـ ملابسها وبجسمها وراكده بتصرفاتها
وصوتها
لكن للاسف مجـتمعنا اذا تدللتي وتدلعتي .. قالو : بلا دلع . خلك حرمه ! :(
وثبتت بروسنا انك ماتكونين حرمه الا اذا كنتي قرانديزر ، او ماوكلي هع



نلبس ملابس رسميه جدا بالكليه تشبه ملابس مذيعة الاخبار !
نفصل مريول يشبه ثوب الرجل الخليجي !
بالبيت لنا نوعين ، قميص مستطيل مافيه اي ملامح ، او بجامه مو بعيده عن قمصاننا هذا اذا مادقينا قميص الروز ههههههههههه
نتشعمط فوق الدولاب علشان نمسحه صرنا مثل طرزان وماوكلي وعندنا حركات بطوليه

مانلبس الوردي والموف والالوان الفاتحه بحجه انها طفوليه ويقولون لنا ( بلا بزران ،، خلاص كبرتي )

و بمملكتنا الخاصه ( غرف نومنا ) ماصرنا نحط صور و قلوب و ورود .. وبنفس الحجه السابقه نقول بانفسنا وووين حنا بزران ولا محل ابو ريالين ..
نسينا شي اسمه حمام مغربي ، قناع للوجه ، قناع للشعر ، منيكير ، بدي كير


وبالاخير

صرنا مثل الشباب :(

ملابس رسميه ،
غرف نوم بـ اشكال صااامته ،
حركات بطوليه ! وياكثر بطولاتنا ههه
اجســام !! نخليها مستوره احسن



انشغلنا بالدراسه والنت او شغل البيت ونسينا انفسنا



نعطي انفسنا فرصه
نفكر بـ انفســنا و وضع حياتــنا
ونفتش بـ اغراضــنا وملابســنا ..
نشوف وش الاشياء البنوتيه اللي عندنا // و الاشياء الجفسه والرجاليه
نيعد النظر في حياتـنا .. وتعالو قولو لي وش لقيتو ؟وانا بقول لكم وش لقيت

اشوفكــم على خير ان شاء الله


نتواصل كل يوم سبت و ثلاثاء



---------------------------------------------------------------------------------------------------------------------------------




الموضوع الثاني :

( الثقة ومحبة النفس وتدليلها ) ([فقط الأعضاء المسجلين والمفعلين يمكنهم رؤية الوصلات]) <--- اضغطي هنا وإقرأي الردود

---------------------------------------------------------------------------------------------------------------------------------





بسم الله الرحمن الرحيم
السلام عليكم



اكيد قعدنا نسـأل انفســنا
وشلون أظهر انوثتي و أعززها و كيف ادلل نفسي


اول شي: لااازم تثقين بنفسك ..
بدون ثقه بالنفس ما راح تقدرين تســتمرين ، او بالاصح ماراح تقدرين تسوين شيء
[ اقرأي عن الثقة بالنفس ]

ثاني شي: لازم تحبين نفسك ...
ما اقول صيري انانيه .. لا

خلــني اوضح لك ..
لو عندك احد تحــبينه . امك ، اختك ، انا هههه ، صديقتك ، زوجك ، اي شخص تحبينه ..
صح بـ تدللينه . واي شي يشـتهيه بتسوينه له .

000

شوفي الحريم من حبهم لـ رجالهم وش تسوي له و سوي لنفسك مثلهن وأكثر
.
تسوي له حفلات
ومرات يسهرون على ضوء الشموع وتقعد هي وياه يلهمون من ذا الحلويات ويتابعون التلفزيون ..
تسوي له الطبخات اللي يحبها
تبدع له بالملابس والتسريحات والحركات ..
تسوي له مساج
تجهز الحمام علشان يتروش ، تحط ورد بالحمام !
تقص شعرها وتصبغه وتغير بنفسها كل فتره وفتره علشان المعزب مايمــل من شكلها
كل فتره وفتره تقعد تسحب بـ ذا الكنبات علشان تغيّر بالبيت وما يمل الباشا
تجيب طشت به ماء دافي و المعزب يحط رجلينه و يدلع عمره
هذا غير الكلام اللي يقطر عسل ..

شفتي وش تسوي علشان رجل ، دلــــــــــــــع على اصوله


الاشياء هذي كلها سويها لنفسك .. سوي حفله و تغيير بشــكــلك و وسوي طبق حلو وغيري بغرفتكم ودللي نفسكـ
انتي أولى .. أنتي أحق .. أنتي اللي محتاجة الأشياء هذي


خلينا نعطيك افكار تدللين نفسكـ فيها


حفله :

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

نجــحتي ، طبتي من مرض بسم الله عليك ..
سوي لنفسك حفله . لو حفله سغنونه وبسيطه ، هي حفله و وناسه وبس
عاد حنا البنات نمووووت بشي اسمه حفله هههه
لا تفوتين حفلات استانسي ..






000
سهره :

.

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات]@N00/284010978/)

طيب امممم اليوم الخميس وبتشوفين فيــلم ، برنامج آي شي بالتلفزيون ، او حتى بتجلسين تقرين قرآن ، كتاب
وش يمــنع انك تجــيبين شمعه وما كثر الله الا الشموع ماهنا بقاله الا بها شمعه .
و ببسي او موكا و فشار او كيك او حلى ..كل شي متوفر بالبقاله لا تقولين ما اطبخ ما عرف .. ياشينكم اذا خليتو كل شي صعب :113:..
المــهم جمعي قشــك و عيشي احلى سهرة .


[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

ان تطنـزو بك اهلك . لا تردين عليهم .. خليهم بكيفم . اصلا بعذرهم مستغربين هههه
وان سئلوك قولي تغيير روتين ، تجديد .. اي شي


000


اكله مفضله

[فقط الأعضاء المسجلين والمفعلين يمكنهم رؤية الوصلات]

مثلا تحبين تاكلين كوب كيك .. و تشتهينه تبين احد يروح يشتري لك ، لكــن ما حد معطيك وجه
وش اللي يمنع انك تجربين طريقة صنع الكوب كيك مره ومرتين وثلاث إلى ان يظبط معك
مو كذا الحريم اذا درت ان زوجها يحب طبخه معينه
.. تشب على عمرها وماتخلي احد الا وهي سألته عن طريقتها وكيف تضبط و وو
إليـــــــــــن تظبطــها ..
كل هذا ليش ..
علشان عيون ابو العيال !!

احنا اولى .. ندلع انفسنا ونطبخ اللي احنا نشتهيه ونحبه

000



غيري بشكلــك
قصي شعركـ ، غيري لونه ، غيري ستايلك باللبس غيري بالمكياج
غيري بشكل حواجبك اذا بتشقرين ،
يا اختي فيه بنات من يوم حنا صغار وهذا هم ماتغيرو ابــــــد
من جد ما اتذكرهم الا وشعرها هذا هو نفسه ووجهها و حتى ملابسها متشابهه
شكلها ممل


[[[ إذا عندكم أفكار أكثر عطونا خلنا نتعلم ونستفيد من بعض ]]]


000


عيشي حياتكـ مثل الاميرة
استمـــــتعي بحياتكـ ، تلذذي بكل شيء حلال و تقدرين عليه
هذي حياتكـ ، اذا ما تدللتي اللحين متى ان شاء الله بتدللين و تتنعمين ،
اذا صرتي عجوز ولا اذا صرتي أم يمشون وراها كوكش بزران
هذي فرصتكـــم



وحطي في بالك . اذا أنتي ما دللتي نفسك . ما أحد بيدللك




:99:





------------------------------------------------------------------------------------------------------------------------




الموضوع الثالث :
التجميل ([فقط الأعضاء المسجلين والمفعلين يمكنهم رؤية الوصلات])<--- اضغطي هنا وإقرأي الردود
-------------------------------------------------------------------------------------------------------------------------------------------



بسم الله الرحمن الرحيم


السلام عليكم ورحمة الله وبركاته


أذكر الجميع ان الموضوع لي ولكــم ، كي استفيد من محتواه وتستفيدون مـعي
و إقامة هذه الدورة لا تعني اني أراكن مسترجلات او حتى فاقدت للأنوثة . لا والله . لكــن هي لتعزيز و إظهار المزيد من الأنوثة لدينا

لست انثى مختلفة ، انا مثلكن ، لكن أجتهد وعلى الله التوفيق





التجميل .
هـ الكلمة تشمل الملابس ، والشعر ، و الجسم ، و الاكسسوارات ، والجزم الله يكرمكم ،

و تذكري انه [ شين مجمل ولا زين مهمل ]
يعني حتى لو كانت ملامحك عادية جدا لكن تزينتي و رتبتي نفسك واهتميــتي ، بتصيرين احسن من الجميله اللي مهمله نفسها و شكلها مبهذل

وانتي شوفي عند اهلك واقاربك ،،يمكن بتلقين وحده جميله لكن خلاقين وحوسة وشهبه ، و وحده عاديه بس تكشخ وتضبط عمرها وتصير جذابه اكثر من الجميلة
السالفة سالفة اهتمام وتكشخ



بالله شوفي العيال اللي يسوون انفسهم بنات صح اشكالهم قبيحة ، بس بجد طالعين انوثيين مره
هذا مقصوم العمر حمدان اللهم لك الحمد والشكر ،

[فقط الأعضاء المسجلين والمفعلين يمكنهم رؤية الوصلات]
الله يهديه

وش فيه زود عننا ؟؟؟ ولد يوم اهتم وضبط نفسه صار كذا بهالنعومه والانوثه
ليه حنا وش ناقصنا علشان مانصير احسن منه ؟








الملابس واكسسورات

كل الملابس و الاكسسوارات اللي بالسوق نسائيه ، لكن نسائي عن نسائي يفرق ،
فيه ملابس تناسب الحريم الكبار ، وفيه تناسب الرسميات وفيه اشياء تخليك نعومه و أكثر أنوثه

متى اخرى مره لبستي شي فيه صورة دبدوب . ارنب . وجه مبتسم ، حتى لو كان بروش او توكه
متى اخر مره لبستي لون زهري فااااتح ، سكري ، ليموني فااااااتح مره
مب بس الالوان ، حتى الموديل نفسه فيه موديلات تخليك أنثى بجد وفيه العكس

[فقط الأعضاء المسجلين والمفعلين يمكنهم رؤية الوصلات]

والموضه هـ اليومين بـ تخدمنا فيه الفيونكات و بلايز الكورسية ، و الطوق اللي فيه ورود او ريش على جنب .
وراجعين لموضة الستينات والسبعينات ، يعني كلها نعوووومه


[فقط الأعضاء المسجلين والمفعلين يمكنهم رؤية الوصلات]
كورسيه


و شوفي اليابنيات اللي نشوفهم بقسم التجــميل ، شوفي كيف ملابسهم
مرره نعومات وبنوتيات ..

[فقط الأعضاء المسجلين والمفعلين يمكنهم رؤية الوصلات]

مب بس ملابسهم حتى طريقتهم بالتصوير .. شوفي كيف توقف ..


سبحان الله ، اشياء بسيطه تغير الشكل
قد سمعتو عن قاعدة 20/ 80
20 % من الاسباب تحقق لك 80% من الاهداف
يعني يمكن تسوين وتسوين وتسوين وبالاخير ماتوصلين للهدف اللي حاطته براسك
ويمكن تسوين شي بسيط لكن يقلب الموازين وتوصلين لهدفك بسهولة

خلونا نطبق القاعدة على البنتين هذولي

[فقط الأعضاء المسجلين والمفعلين يمكنهم رؤية الوصلات] [فقط الأعضاء المسجلين والمفعلين يمكنهم رؤية الوصلات]

شوفو هذي وش سوت وصار شكلها نعوم وهذا وش سوت وصار شكلها عربجي وجفس ؟؟

الاولى : لبس يجيب الكأبه ، شعر مشدود ، واقفه بطريقة جديه ورسيمه بزيااادة ، بدون أبتسامه
والثانيه : لابسه فستان ناعم ، شعرها مزينته ، واقفه بدلع ، مبتسمة

اشياء بسيـــــــــــــــطه غيرت الشكل ، وغيرت انطباعنا عن البنتين




وبعــد الاكسسورات .
خلي عنك السلاسل العريضه اللي كانها حقت حرب عصابات
وخلي عنك الجماجم و الخرابيط للي تذكر بـ القراصنه وحرب الكاريبي
والاكسسوارت الناعمه كثيرة ، وبسهوله تحصلينها


والجزم :
اذا كنتي بالثانويه وفوق لا تخلين كل جزمات فلات ، شبشب . مره كعب ومره فلات
الكعب مررره انوووثي



شعر وتسريحات

[فقط الأعضاء المسجلين والمفعلين يمكنهم رؤية الوصلات]
لمسات بسيطه غيرت الشكل !

القصه ( الغره ).. تملح الوجه وتخليك بنوته بجد .
الشعر القصير دلع . .و الشعر الطويل هيبه و رزه

مو دايم شعرك ذيل . ومن قدام شادته بقوه .
ادري بتقولون مايطول الشعر الا هـ التسريحه ، مايترتب الابهذي التسريحه وو
مايخالف سويها بس مب دايم ..
بكل عزيمه بكل استراحه بكل عرس بكل عيد وانتي ماعطتن ذا الشعر
حرام عليك ارحمي شعرك فكي اسره ، اطلقي له العنان ههههع..
خليه يتنفس . مسكــين
ترى نصف جمال المراه في شعرها ،




المكياج و العطورات ، الاهتمام بالبشرة والشعر ،
بنتكلم عنهم ان شاء الله يوم الثلاثاء


اتمـــــــــــنى اشوف افكاركم واضافتكم للموضوع
مثل ما سولفت عليكم وعلمتكم ، انتم بعد علموني :113:
ودي اغير بنفسي :12:


.

-----------------------------------------------------






يتبع

[سكر]

الموضوع الرابع :

المكياج والعطورات + الاهتمام بالبشرة ([فقط الأعضاء المسجلين والمفعلين يمكنهم رؤية الوصلات]) <--- اضغطي هنا وإقرأي الردود

----------------------------------------------------------------------------------------------------------------------------


بسم الله الرحمن الرحيم

~[ العطر والمكياج .. الاهتمام بالجسم ]~

نكمل ما بدأنا فيه بالتجميل و الانوثه
وما انسى اشكر جميع البنات اللي اضافو للموضوع السابق اضافة مفيدة
بـ استفيد منها بالموضوع هذا


[فقط الأعضاء المسجلين والمفعلين يمكنهم رؤية الوصلات]


[[ العطر . ]]
ماتكمل الكشخه والزين الا بريحة زينه

اووول شي خلنا نعرف وش الاشياء اللي تخرب ريحة الجسم علشان نتجنبها ::
** الاكل اللي فيه بهارات كثيره اوحلبه اوكاري .. وعلى راسهم الاندومي
** ريحة الفم والمعدة
** الملابس اذا مب مغسوله زين تخرب عليك ريحتك
** الجسم والشعر اذا مب نظيفين زين بعد بيخربون عليك
** شعر الابط اذا كنتي تحلقينه بالموس يطلع ريحه الله يكرمكم ، ترى السنه نتف ، وحنا البنات شاطرين بالحلاوة ،
لا تقولون يوجع .. اول مره بس بيوجعك بعدين خلاص يصير عاااادي جدا مثل شعر اليد
** بعض الصوابين و الشامبوات والكريمات . مع الوقت تتغير ريحتها وتصير خياااااس . عاد انتم وتجربتكم لها
يعني اتدهن فيه عاادي بس بعد كم ساعة تقلب ريحته
** القلي وطبخ بعض الاطباق ، يفوح عليك ريحتهم و تخيسك ، اهمهم السمك ، اوووووف ياهو عليه ريحة بالطبخ خاصه اذا صار مقلي ،
وبعد البصل مع الثوم اذا حمسناه يفوح ريحة مصريين الله يكرم نعمته
** عدم التروش بشكل منتظم , مثل يوم وترك او يوميا ، او باليوم مرتين اذا انتي تشتغلين كثير وتعرقين كثير
** وايام الدورة الشهريه اللي تهمل نظافتها تخيس.. ما اقول تروشي ، الترويشه تضر هالفتره. بس غسلي جسمك (بدون الراس ) بالماء والصابون وعالسريع
ومع كل تغير غسلي المنطقة ومسحي

بعد وش تذكرون شي يخرب الريحة

[فقط الأعضاء المسجلين والمفعلين يمكنهم رؤية الوصلات]

تقريبا اذا بعدتي عن هـ الاشياء اللي تخرب الريحة فـ انتي بخير وسلامه
باقي عليك شويه تعطير وتكونين وردة




..
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

اذا خلصنا متروشين تبخري . مب لازم تشبين فحم وتسوين سالفه ، لو على الاقل بـ الفواحه اهم شي بخور و دخان كذا . علشان تمسك ريحة البخور بالشعر وهو رطب
احيانا احط كسرة معمول ( دخون / بخور ) على العين حقت الفرن :69: واتبخر فيها وانا ماشيه ومنها يتبخر المطبخ ( مزاج دوسريه ههههههههه )

والمسك ريحته جناااااان ، اول ماتحطين منه عادي . بس اذا برد يطلع يدوووووخ
ودهن العود بعد حلو ويعطيك فخامه
والعطورات اللي ريحتها طبيعيه مثل عطورات بدي شوب و زهور الريف و نكتار .حلوه للصبح او للبيت
على طاري نكتار ، ترى فيه نوعين من محلات نكتار ، مع ان كلهم لهم نفس اللوحه ، بس فيه احد مكتوب على منتاجتهم نكتار والثانين مكتوب نكتارين
انتبهو لهالنقطه . ويقولون ان نكتار هي الافضل

[فقط الأعضاء المسجلين والمفعلين يمكنهم رؤية الوصلات]


العطورات انواع
فيه اللي ريحته دهن عود وبخور .وريحة ورد ، ريحة بحر ، ريحة صابون ونظافة ، وفيه شي ريحته مثل البوردة ، وفيه مثل ريحة الخشب ، وفيه مثل ريحة الفواكه
وكل عطر له مناسبته و عمر مناسب له

ريحة العود .. فخم يناسب العزايم ، الزواجات ، المناسبات الرسمية بشكل عام
الفواكه و الورد . بنوتيات و صباحيات .
واللي يصير خليط من هذا وهذا ، يناسب جميع المناسبات والاوقات



[فقط الأعضاء المسجلين والمفعلين يمكنهم رؤية الوصلات]

وبعد معلومه ثانيه عن العطورات
العطورات الاصليه غاليه ، توصل لـ 500 ريال وتزيد
اذا ميزانتك ماتسمح لكـ تشترين عطر اصلي ، ترى فيه عطوارت تعبئه . يعني نفس ريحة العطر الاصلي بالظبط بس بسعر ارخص يمكن 30 ريال وزي كذا
و اذا بتطلبين العطر قولي لهم يزيدون تركيزه :)

----------------------------------------------------------


[[ المكياج ]]

مب متكمله لكم عن طرق ولا تعليمات عن المكياج
بس بنتكـــلم عن اهمية المكياج للبنت و كيف يظهر انوثتها ويجملها


المكياج هو الشي الوحيد اللي يفرق بين البنات والاولاد
احنا و الشباب كلنا نلبس ونكشخ ،
كلنا نتعطر كلنا ننسق الوان ملابسنا ونضبط اشكالنا ونهتم بشعرنا حتى الاكسسورات الشباب عندهم اكسسورااتهم (السبحه و ازرار الكبك والقلم والميدليه)
يفرق بينا وبينهم المكياج و المناكير ..


[فقط الأعضاء المسجلين والمفعلين يمكنهم رؤية الوصلات]

تخيلي بنت بعرس والناس مدهرين و متزينين وهي جايه شهبه لهبه
يا ختي احس شكلها مثل شكل المريضه اللي مجتمعين الناس وجايين يزورنها .
اقل شي تسوينه حطي كحل وقلوس ، هذا اذا انتي توك بالمتوسط
بس انتبهي تكثرين مكياج وتصيرين كانك من الممثلات الخليجيات ، مانعرف ملامحها من المكياج


خلنا نعد الاشياء اللي مب نعومه بـ المكياج :
الكحل اللي سافط الطبلون كله وماشي باقي شوي ويوصل للاذن و بعد يرقى فوق الخشم
حمرة الخدود الكثيــــــــــــــره اللي مبالغين فيها
روج فاقع على بنت صغنونه
الشدو ( الظل ) اذا صار خمس الوان واكثر ، يصير دفش
رسم الحواجب بأسود غاااااامق وتعريضهم او قرن الحواجب غصب
كريم الاساس اذا صار كثيييير او فاتح مررررره

[فقط الأعضاء المسجلين والمفعلين يمكنهم رؤية الوصلات] ..

شوفي شكل البنت قبل وبعد ماتحط المكياج ..تصير انسانه ثااااانيه
طبعا مب بكل مناسبه تطقين مكياج كاااامل
لكل مناسبه شي يليق فيها


ولا تنسين المناكير
ترى انوثي لـ اخـــــــــــــــر حد


وما يظبط معك المكياج الا اذا كانت بشرتك تمام 100%
نجي للاهتمام بـا لبشرة





وآآآآآآآآآآآآآه يالبشرة و ألف آه
الحمد لله اغلب بناتنا مهتمين بـ بشراتهم
شوفيهم دايم خلطات وكريمات و تارسين المشاغل يسوون حمامات مغربيه وملكيه و فتله وحلاوة وتشقير وبديكير وتقشير ومدري ايش
ا(((( أستغرب من الشباب اللي يقولون لنا شوفو بنات الدوله الفلانيه..
رح لـ الملاهيات والجامعات و اي مكان يكون اغلب الموجودات بنات .
والله بناتنا مب سهلات من ناحية الجمال والاهتمام . وفوق كذا نتغطى ونحشم انفسنا <-- وهذي نادر تحصلها عند بنات بعض الدول
بس بعض الرجال مايملي عينهم شي وتغلى عليهم الحرمه اللي مو موجوده عندهم
اذا صارت الوحده اجنبيه حطوها فوق روسهم ،واذا سعوديه كبو عليها من التريقه وعيروها ، طبعا مو الكل البعض . ))))

المهم نرجع لموضوعنا
قلنا الاهتمام
شفتو حمدان بالموضوع السابق
ولد ولد ياناس وكيف صارت بشرته .. طبعا اكيد اهتم فيها لين وصل لهبشرة اللي كنه قطعه زبده
وانا معزمه وملزمه اصير احسن منه هههههههههههه


المطلوب مننا
بشرة نظيفة + لون متوحد + بشرة ناعمه

النعومه مقدور عليها . كثري شرب ماء + تدهني بكريم مرطب
واساسا ربي خالق جسم البنت ناعم ولين . بس انتي زيدي عليه حبتين اهتمام ويصير جسمك مثل حلاوةخدود البنات و المارشملوه


[[ لون متوحد ]]

هذي اللي عذبتنا ههههه لكن الحل في شيئين
-- اما انك تروحين لم عيادة بشرة و تسوين تقشير كرستالي . مدري بكم الف ومدري كم جلسه . بس بالاخير تطلع بشرتك مثل المرايا
-- او انك تدهرين بالخلطات والكريمات و تستمرين عليهم


[فقط الأعضاء المسجلين والمفعلين يمكنهم رؤية الوصلات] .. [فقط الأعضاء المسجلين والمفعلين يمكنهم رؤية الوصلات]

كريمات التقشير والصنفره موجود بكل محلات التجميل ولا هو غالي ولا صعب استخدامه
اذا خلصتي متروشه فركي بالمقشر ، ثم غسليه ثم تدهني بكريم مرطب ، مع الوقت يفتح لون البشرة ويشيل الجلد الميت ويشيل البقع الغامقه

ولازم دايم ندهن بكريم مرطب . فازلين ، جلسرين . اي شي . اهم شي تدهني وتدهني ترى الجفاف يخرب البشرة ، يدمرها دماااااااااار
الا ان كان وجهك دهني ، لا تدهنينه بشي ،


واذا قلنا لك قناع للبشرة ترى مب لازم خرابيط وعشر مكونات وخلطات يكفي تحطين عليه زبادي او شوفان مع حليب علشان تتغذى بشرتك ،

واذكر مره الدكتوره اميمة الجوهري تقول حتى لو تحطين على وجهك عصير فواكه . تراه يفيدها ، تقول بشرة الوجه مثل الاسفنجه اي شي تحطينه عليها تتشربه .

وبنات انتبهو من الليمون على البشرة اللي تونا شايلينها بالحلاوة او تونا مقشرينها ، لانه يحرقها . وبدل ماتفتح تصير تغمق ، هذي ذاك اليوم قالها دكتور نسيت اسمه

وعلشان ماتطلع لكم حبوب بعد الحلاوة بالسيقان . اذا شلتي بحلاوة وخلصتي . تدهني بنشاء وماء ورد او نشاء وماء عادي . ترى النشاء بريال بس فوائده رهيبه


[[ بشرة نظيفة ]]

[فقط الأعضاء المسجلين والمفعلين يمكنهم رؤية الوصلات] [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات] 588%25D9%2586%2B%25D9%2585%25D8%25BA%25D8%25B1%25D 8%25A8%25D9%258A%2B%25D8%25B3%25D8%25A7%25D8%25A6% 25D9%2584%26start%3D54%26hl%3Dar%26safe%3Dactive%2 6sa%3DN%26gbv%3D2%26ndsp%3D18%26tbs%3Disch:1) ..[فقط الأعضاء المسجلين والمفعلين يمكنهم رؤية الوصلات]

الصابون المغربي اللي يجي كانه كريم لونه بني ، صح ان ريحته ووييييع بس شي عجيييب
و أنتي جالسه تتروشين وجسمك رطب ، اطلعي من الماء و تدهني بالصابون المغربي ، كل جسمك دهنيه بس لا يجي على عيونك
ثم جيبي الليفه المغربيه او ليفة بودي شوب وهي ناااشفه فركي جسمك ، على طول بيصير الجلد احمرررر
اذا خلصتي تفريك غسلي بالماء وشوفي الجلد الميت راح ، ( لا تنسين قولي له مع السلامه هههههههههه )



والحلاوة مب بس تشيل الشعر الزايد ، حتى تشيل الجلد الميت
ماتشوفين اذا استخدمتي الحلاوة يتغير لونها وتصير غامقه .

ومره سودانيه حقت حلاوة تقول : اذا صرتي لك فتره مهتمه ببشرتك وتدهنين وخلطات وحمامات مدري ايش ، يمكن تشوفين نفسك تقولين ماحسيت بتغير
بس اذا شلتي بالحلاوة وراح الشعر الزايد اللي بالجسم كله وشال معه الجلد الميت
بتشوفين الجلد الجديد طالع يلمع مثل القزاز ، طبعا هذي نتيجة تعبك واهتمامك بجسمك طلعت لكـ



وبس كذا تعبت من الكتابه وخلصت من اللي عندي
كملوا اذا نسيت شي او جهلت شي
كلكم خير وبركه

--------------------------------------------------------------------------------------------------------------


الموضوع الخامس :
صوتك/ كلمات انوثية / اسم الدلع ([فقط الأعضاء المسجلين والمفعلين يمكنهم رؤية الوصلات])<--- اضغطي هنا وإقرأي الردود


----

بسم الله الرحمن الرحيم
السلام عليكم ورحمة الله وبركاته



[ صوتك ]



[فقط الأعضاء المسجلين والمفعلين يمكنهم رؤية الوصلات]

من اهم مايميز الانثى هو صوتها الرقيق المفعم بالانوثه
وصوتك بصمة تميزك عن الاخريات ويترك اثر على من يقابلك ، فهو همزة وصل بينك وبين الاخرين

صوتك الناعم يضفي عليك جاذبيه وجمال بغض النظر عن شكلك الخارجي
ويعطيك تألق غير مرئي لكــن مسموع



كلنا متفقين ان حنا ما نقدر نغير اصواتنا .. هذي خلقة من الله
بس نقدر نخفض الصوت ،، نقدر نتكلم بهدوء .. نقدر ننعــم اصواتنــا .
احيانا ننسى انفسنا ونتكلم بصووت كانها صوت ساعة خراشيه

اذا كذا قعدتي لحالك وفاضيه و مروقه اقعدي جربي تكلمي ، مره خلي الحروف كانها طالعه من اقصى حلقك
ومره تكلمي بهدوء وصوت ناعم والصوت يادوب يطلع من طرف فمكـ والحروف طالعه بكل رقه
شوفي الفرق ( واسئلي مجرب هههع )
والله ان حنا ظالمين انفسنا بالصوت

بس عاد مب تزيدين بالدلع وتحذفين بعض الحروف مثل بعض البنات الماصخات
ولا تسوين فيها وتقومين تنطقين حرف ( ط ) ( ت ) و حرف ( ص ) ( س ) .. كل شي له حد يا ماما



وترى اللي دايم تصارخ و تلعلع كنها بالحراج ، يخشن صوتها ويخرب ( اشوى اني مب أبلاء ولا إداريه [فقط الأعضاء المسجلين والمفعلين يمكنهم رؤية الوصلات] )
واذا يوجعك حلقك وماتقدرين تتلكمين ، ترى مب غصصصب تتــكلمين و يسمعون الناس صوتك . ترى يخربن الحبال الصوتيه ، لانهن ملتهبات وبسرعه يتأثرن
وفيه شي يصفي الصوت وينعمه اللي هو اكل الثوم ، ني او مشوي .. بس عاد ريحة الثوم مشكله
وبعدي عن الاشياء الحامضه مررره والبارده مره لانها تضر الحنجرة
وبعد اذكر ان الحلاوة الطحينية تنعــم الصوت



((وانا ابحث عن علاقة الاكل بالصوت لقيت مغني كاتب نصائح للاكل ونظامهم علشان مايخرب الصوت .
من ظمنها ان يكثر شرب ماء ، ومايشرب شي فيه كافيين قبل مايغني علشان ماينشف الصوت ولا يشرب منتجات الالبان قبل مايغني لانها الله يكرمكم تجمع المخاط حول الحبال الصوتيه
ولا يشرب الغازيات لانها تجمع الهواء بالبطن فيصعب عليه الغناء بنفس طويل وينصح باكل العسل والبيض و الدجاج والرز واللوز وما ياكل شي دسم وثقيل علشان ماتخرب عليه بالتنفس
واشياء كثيرة انتم في غنى عنها ))



ومب بس الصوت مهم
حتى نبرة الصوت ، اكيد اذا كنتي تسولفين عادي لك نبره عاديه مستانسه لك نبره صوت تدل على وناستكـ واذا تترجين لك نبره ترجي
واذا حزينه او زعلانه كل شي له نبرته




.







[ كلمات تقطر عسل ]

عاد مب حلوه صوت ناعم وهادي وكله انوثه
اخر شي الكلمات جفسه و قلة حياء و كلمات سوقيه

حنا البنات عندنا كلماتنا اللي تمــيزنا
صح ان يمكن اخونا يتطنزون فينا بس عادي ماعلينا منهم ، حتى لو تطـنز بكيفه ، ما اترك اسلوبي علشان ولد تطنز فيني

نقدر نجمع قاموس بكلماتنا
من جد فيه كلمات مانسمعها الا عند البنات
مثــلا : واااااي يجنن ، قلبو ، نايس ، كيوت وكثير كلمات انجليزيه نخلطها مع لهجتنا هع
و ندلع انفسنا بالحكي اقول عن نفسي ياعمري وياقلبي ،



وحتى الاشخاص اللي اكلمهم اقول لهم من هـ الكلمات الحلوه

بالبدايه تكون صعبه عليك ، بس بعدين تندمجين معها وتصير لزمه لكـ .

وترى الناس يحبون الشخص اللي كلماته طيبه وحنونه وصادقـــه
وترى الكلمة الطيبه صدقه .. صدقه ، تعرفين وش تعني صدقه تعرفين اجر الصدقه وفضلها عند ربي


والحياء و رفع النفس عن الكلمات البذيئه هذا بحد ذاته قمه الانوثه






[فقط الأعضاء المسجلين والمفعلين يمكنهم رؤية الوصلات]

[ أسم الدلع ]


ذا انتــي ما دلعتي نفسك ، ما احد بيدلعك ..
مو بس بالاســم بكــــــــــــــــــــــــــــل شيء

دلعــي اسمكـ
حتى لو كان اسمك شعبـــي مره وقديم . مو مشكله طلعي له اسم دلع
اعرف لك وحده اسمها ( عمشاء ) قديم الاسم ومنقرض بعد ، بس مدلعه نفسها عموش او انوشه <-- حبيت اسم انوشه
عندكم احلا بنوته . وشوفو بالمدونة حقتها . كم كاتبها من اسم دلع لنفسها ماشاء الله عليها

بس عاد الله يعافيكم اذا بغيتو تدللون اساميكم
مب غصب تصيروون حوحو / خوخو / طوطو / كوكو ..
مدري وش هـ الاعتقاد السائد عند البنات انها اذا بغت تدلع اسمها تقوم تكرر حرفها بين واوتين

دلعي نفسك.. و ان ماقدرتي . دوري لك اسم اجــنبي قريب من اسمك بيطلع فله وشي مميز .
مثلا
جواهر . جوجو / جوجيتا ( بالمكسيكي ) / جوجي /
سوسن / سوزي ( اسم انكليزي )/ اسونه /





المطلوب منكــمـ ياحلوين

* تكتبون لنـا الكلمات الحلوة والطيبة مثل : حبيــتي ، غنـاتي ، يا قشطه ، يا كيكه ... إلخ
* تكتبون لنا اسماء الدلع لـ اساميكم الحقيقة او لـ القابكم بالمنتدى . اهم شي طلعي اسم دلع لكـ



اشوفكــمـ على خير
وآسفه تأخرت عليكم بالموضوع هـ المره

.


---------------------------

يتبع

[سكر]

الموضوع السادس :

الأنوثة6:جلستك+مشيتك+حركات أنوثية ([فقط الأعضاء المسجلين والمفعلين يمكنهم رؤية الوصلات])


-----


[فقط الأعضاء المسجلين والمفعلين يمكنهم رؤية الوصلات]



بسم الله الرحمن الرحيم
السلام عليكم ورحمة الله وبركاته



[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

اعتذر عن التاخير في تقديم هذا الموضوع
كان بسبب خارج عن إرادتي





ارجع بكل حماس وشووووق لكـمـ :22:



[ مشيتك + جلستك ]
[[رزه و أنوثه ]]

ميز الله الإناث بطريقة مشي تناسبهن وتزيدهن جاذبيه
احيانا اذا صرنا نمشي بـ مشيتنا الطبيعيه ( التمايل ) ننقد على انفسنا . وش ذا المشيه عارضة ازياء ولا وش ونركز ونمشي ذيك المشيه العسكريه هع
وهذا اكبر غلط

والشي الاخر السيء في مشي البعض هو الانحناء وتقوس الظهر
هذي المشيه والجلسه بهالشكل فوق انها تضر صحة الجسم ، بعد تخلي مشيتك و وقفتك مالها رزه

طيب وش المشيه اللي تخليك رزه وتبين جسمك صح
امممم جيبي كتاب مثلا وحطيه فوق راسك وامشي ، بحيث ان الكتاب مايطيح من راسك
عارفه كيف بتطلع المشيه ام الرزه ~ ومشيه ملكيه ~ بجد


[فقط الأعضاء المسجلين والمفعلين يمكنهم رؤية الوصلات]


اتمـــنى اتدرب على هـالمشية لين تصير لاصقه فيني [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
عادي العلم بـ التعليم والحلم بالتحلم
والمشية الرزه بـ الترزز هههههه


غير انها رزه ، راح تبرز جسمك ، مقدر اوصف لكن انتي روحي عند المرايه و شوفي نفسك وانتي رازه نفسك
و شوفي نفسك وانتي محدب ظهرك

اذا ظهرك محدب بيطلع بطنك فيه تعفيطات يفشلن ، وراسك نازل تحت وكنك عجوز
واذا شاده ظهرك ورازه نفسك ، يبين جسمك زين ......وينشد بطنك ،


وترى هـ الوقفه والمشيه الرزه وحتى الجلسه بهالطريقة ماتخلي الكرشه تطلع
و اشوف البنات اللي عدلو مشيــتهم ،جلستهم لـ هالطريقه تغيرت اجسامهم .للافضل طبعا


عاد جبت لكم اقتباسات من موقع ثاني علشان تتحمسون
كانو يتكلمون عن الجلسه الصحية وتاثيرها على شكل الجسم





والله يابنات ..انا قلت والله اللي مابه اعزه منه
ان هذي طريقة اختي ..انا سويتها شهر ..وفعلا بين خصري وانا اساس مالي خصر ذاك الزود
لكن الموت الحمر اختي تمت على الحركه تقريبا ثلاث اشهور

اما احنا خواتها متفاجين من الخصر والله صغيييييييير والخلفيه ماشاءالله











صح كلامك دلييييييييييييل واجد ناس اعرفهم ...





عدل كلامك انا قبل كانت كرشتي بارزه وعقب ماضعفت صار ليين مادري شلون يعني مو معرفط لا بس مو شي

والله ان ماشد الا عقب مابلشت اشفط بطني , شهر عن شهر يفرق علي الحمدالله الحيين وين و اول ويين








[فقط الأعضاء المسجلين والمفعلين يمكنهم رؤية الوصلات]




خلي جلستك دايم رزه

وانتي جالسه بالصلاة ، عـ النت ، بالكلاس ، عند التلفزيون ، مع اهلك ... بكل مكان


وكل ماتذكرتي رزي نفسك وعدلي جلستك




لا تجلسين وظهرك منحـني . يطلع شكلك كان حبة ربيان او عجوز <== علمي نفسك ههههه



وغير جلسة الرزه

فيه جلسات ثانيه نعووومه





مثــل



[فقط الأعضاء المسجلين والمفعلين يمكنهم رؤية الوصلات] .....



[فقط الأعضاء المسجلين والمفعلين يمكنهم رؤية الوصلات]




[فقط الأعضاء المسجلين والمفعلين يمكنهم رؤية الوصلات]






[ حركات انثويه ]




نقلت لكــمـ هـ الصور . دققو فيها زيـــن




[فقط الأعضاء المسجلين والمفعلين يمكنهم رؤية الوصلات]



[فقط الأعضاء المسجلين والمفعلين يمكنهم رؤية الوصلات]



[فقط الأعضاء المسجلين والمفعلين يمكنهم رؤية الوصلات]



دققو فيها يوم تميل راسها :)





[فقط الأعضاء المسجلين والمفعلين يمكنهم رؤية الوصلات]

عاد هذي سبلت بعيونها وزودتها حبتين هه





أقتباس :

جميل أن تكسبي بعض الخبره في حركات الأنوثه والدلع


لكن الأجمل أن تضفي عليها قليلاً من طبيعتك وأن لا تصل إلى حد ( التصنّع )




:

.









والتصرفات او الحركات الأنثويه لا حد لها

ولستِ ملزمه بتصرفات معينه ، تصرفي على طبيعتك وكما خلقك الله

وأي تصرف منك يكون بنعومه أو خجل يعتبر انوثي
وترى شكلك الخارجي اذا كان ناعم و انثوي ، راح يغطي على تصرفاتك

عكس لو كنتي بوي / مسترجله


وانصحـــكـم تقرأون عن الإتيكيت لانه بينفعك بهالموضوع







~| الموضوع ذو شجون

ولا يسعني الوقت للمزيد |~






انتظر تعليقاتكم + إضافتكــمـ





لكـمـ مني كل المودة والتقدير






------------------------------------------------------------

الموضوع السابع :

الكماليات ([فقط الأعضاء المسجلين والمفعلين يمكنهم رؤية الوصلات])

---------------------------------------------------------------------------------------





[فقط الأعضاء المسجلين والمفعلين يمكنهم رؤية الوصلات] p67sWIVMyYW71OBCsNx4IZPalVnmlUFtxRBdvCQ/d_Cyworld20.gif [فقط الأعضاء المسجلين والمفعلين يمكنهم رؤية الوصلات] 2xAL2D1NL40_GbWTNM-et_JCBmT4ntV3w/h040127_c.jpg [فقط الأعضاء المسجلين والمفعلين يمكنهم رؤية الوصلات] nV0njCg/dp_c(14).gif [فقط الأعضاء المسجلين والمفعلين يمكنهم رؤية الوصلات] BpS16fwlQN_MG-rdaVGQ_3Kws4tA/dp_c(16).gif [فقط الأعضاء المسجلين والمفعلين يمكنهم رؤية الوصلات] I5Nh7fy7gzLaZfEZNwYC9Wh4eOQHBGIfyQEnMkQ/hh041103_c(1).jpg




بسم الله الرحمن الرحيم
السلام عليكم ورحمة الله وبركاته




ذوق البنات واختيارهن يختــلف عن الذوق الذكوري بل يختلف عن ذوق النساء كبيرات السن
تعشق الفتيات الألوان التي تعج بالحياة و الفرفشة او النعومة و هدوء البال او الرومانسية


[فقط الأعضاء المسجلين والمفعلين يمكنهم رؤية الوصلات]

و تأثر الالوان على نفسيــاتنا بشكل قوي .
لاحظي نفسك عندما ترين في السماء وقد ظهر قوس الرحمن .. (والله ياهو فللله ،بس متى ينشاف الله يرحم الحال )
[فقط الأعضاء المسجلين والمفعلين يمكنهم رؤية الوصلات];旺图表/77.gif

وفيه الوان وخامات وكماليات تحسسك انك بنت من جد
لو تضيفينها لـ غرفتــكـ ، تغير لك جو الغرفه وتونسك ،
تخبرون 3/4 الشعب لون غرفنا بني (وانا اولكم ) صعبه اغيير الغرفه ،
لكـن نقدر نضيف اشياء بسيطه تغير منظر الغرفه وتجدد فيها




[فقط الأعضاء المسجلين والمفعلين يمكنهم رؤية الوصلات]




طبعا لحالها ماتكفي . لازم يكون مكانك مرتب ونظيف . ولا وش سنع هالتكشخ والتزين والمكان حوسه
والحوسه شي لابد منه ، بس نحاول نرتب أول بـ أول




[فقط الأعضاء المسجلين والمفعلين يمكنهم رؤية الوصلات]



مثل للاشياء اللي تعتبر كماليات وإضافات
يحبونها البـنات وتعطي منظر للمكان وبصمة انوثه .

ستكرات الجدار

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات]_img)




الشموع

[فقط الأعضاء المسجلين والمفعلين يمكنهم رؤية الوصلات] .. [فقط الأعضاء المسجلين والمفعلين يمكنهم رؤية الوصلات]






الدمى

[فقط الأعضاء المسجلين والمفعلين يمكنهم رؤية الوصلات]
[فقط الأعضاء المسجلين والمفعلين يمكنهم رؤية الوصلات]



الريش

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات](0);)


[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])




الكريستال

ستائر الكريستل + تحف الكريستال

[فقط الأعضاء المسجلين والمفعلين يمكنهم رؤية الوصلات]


[فقط الأعضاء المسجلين والمفعلين يمكنهم رؤية الوصلات]




الورد


[فقط الأعضاء المسجلين والمفعلين يمكنهم رؤية الوصلات]






الوسائد

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]



[فقط الأعضاء المسجلين والمفعلين يمكنهم رؤية الوصلات]





كماليات منوعة

[فقط الأعضاء المسجلين والمفعلين يمكنهم رؤية الوصلات] [فقط الأعضاء المسجلين والمفعلين يمكنهم رؤية الوصلات]



...[فقط الأعضاء المسجلين والمفعلين يمكنهم رؤية الوصلات]


[فقط الأعضاء المسجلين والمفعلين يمكنهم رؤية الوصلات] ..





هذا غير قطع الاثاث و المفارش او الملابس والاكسسورات التي لا يسع المجال لذكرها مع الكماليات


الحمد لله اني بنت :22: :)




: المحلات اللي تبيع مثل الاشياء هذي :


فيه محل دايسو بالعثيم مول - طريق خريص بالنسيم - عندهم ستيكرات الجدران بـ 7 ريال ، بس يالله يالله تحصلينهم
وعندهم أشياء غريبه كلها من اليابان مدري الصين ،


وفيه سنتر بيونت عندهم هـ التحف و الوسايد والشموع
وفيه هوم سنتر ، لايف ستايل بعد مثل كذا

ومن بعد تذكرون يبيعون اشياء زي كذا ؟؟؟



{ شكــــــــــــرا انجل على المساعده
الله لا يخليني منك }






-----------------

لا تبخلون على انفسكم بـ قرأة ردود الموضوع