توصيل طلبات عضو في ورطه thamer

[THAMER]

بسم الله الرحمن الرحيم

وبعد جهد جهيد و مشي بالشموس من أجل تلبيت الطلبات الي أنتم لصقتوهن في ظهري ؛ الحمد لله تم تصوير كل المطلوب مني عاد ألحين جاء وقت الطلبات ..

نبدأ بأول طلب و قبل نقول بسم الله الرحمن الرحيم ..


مرسول الحب (ملوكي)

1- صوره لجهازك الي تشتغل عليه
2- صوره جوالك

3- صوره سيااارتك



[فقط الأعضاء المسجلين والمفعلين يمكنهم رؤية الوصلات]


هذا جهازي بسم الله عليه / اسمه Asus ؛ و الي مختار له الأسم هو جده كمبيوتر صخر ..




[فقط الأعضاء المسجلين والمفعلين يمكنهم رؤية الوصلات]



هذا طويل العمر N95 ؛ ويظهر لكم بالصورة الثيم بصورة مكتوب فيها (العشق والقلب للنصر)



[فقط الأعضاء المسجلين والمفعلين يمكنهم رؤية الوصلات]




هذا كحيلان الهايلوكس أثناء الرحلة إلى الطايف :69: . ويظهر لكم بالصورة ستيكر النصر.






سفير الحزن/



1-صوره لمكان تروح لمه دايم وترتاح فيه عاد انت ومشاويرك
2/صوره لوردة من حقات اخوك اذ هن على قيد الحياة
3/صوره لبرج المملكه وتكون في الليل







[فقط الأعضاء المسجلين والمفعلين يمكنهم رؤية الوصلات]


طبعاً يا سفير الحزن اول ما يضيق صدري آخذ براد الشاهي و اروح اتسدح بالشارع هذا ؛ براد و ارض خضرا يا الله من فضلك ..




[فقط الأعضاء المسجلين والمفعلين يمكنهم رؤية الوصلات]



هذي وردة أخوي الصغير نايفينهو ؛ بعض المرات أنا وأمي نجلس تحت ظلالها و نتقهوى و بعض الأحيان احط السيارة عندها علشان الظل .




[فقط الأعضاء المسجلين والمفعلين يمكنهم رؤية الوصلات]



هذي صورة بيتنا - قصدي صورة برج المملكة بالليل - بس لا تدقق واجد من ناحية التصوير اهم شي برج ولمبات







مخروشة بقوة /



ابي صورة لعشاكم
صورة ساعتك
صورة بوكك







[فقط الأعضاء المسجلين والمفعلين يمكنهم رؤية الوصلات]


هذا طبعاً عشانا في مدينة الدمام في مطعم سد مارب ؛ تصدقون اني اشم ريحة الأكل على انها صورة ..




[فقط الأعضاء المسجلين والمفعلين يمكنهم رؤية الوصلات]



هذي صورة الساعة و البوك بتاعي :43:







سكر بنات /



صورة للمكــتب العمل






[فقط الأعضاء المسجلين والمفعلين يمكنهم رؤية الوصلات]


هذي صورة مكتبي في العمل / طبعاً كم يظهر لكم بالشاشة اعزائي المشاهدين سبحة النصر الي ما اقدر اشتغل الا وهي بـ اصابعي . طبعاً الدوام الساعة 8 و أنا اجي الساعة 9 بكل حيوية ونشاط وحب للعمل .






ستروبري



ابغى صوره نعالك





[فقط الأعضاء المسجلين والمفعلين يمكنهم رؤية الوصلات]


هذولا نعالي (الله يكرمكم ) ويظهر عليهن الكرف والتفاني من اجل إنهاء مشاويري..






اجمل احساس



1- صورة الكووب اللي تحب تشرب بووه .
2-صورة بدلة الهلااال --> هااااع ..
3- صورة كوره ..
4- الشامبو الي تتروش فيه






بالنسبة للكوب يا اجمل احساس / أنا ما لي كوب محدد , اي شي اشربه بـ كاس بلاستيك لأنه ما لي خلق اغسل الكاس و إذا حطيته بالمجلى و انحشت يمكن تحجرك مشرفة الغسيل و تخليك تغسله..على الأساس هذا انا اشجع الصناعة البلاستيكية


[فقط الأعضاء المسجلين والمفعلين يمكنهم رؤية الوصلات]



هذي بدلة الهلال الي طلبتيها




[فقط الأعضاء المسجلين والمفعلين يمكنهم رؤية الوصلات]



أنتي طلبتس كورة و أنا جبت لتس صور سيقان مجاناً معها






[فقط الأعضاء المسجلين والمفعلين يمكنهم رؤية الوصلات]




وشوله الواحد يصور و فيه قوقل صور :69: ؛ الشامبو الي اتروش فيه مثل هذا بالضبط ؛ بطعم النعناع و يحر العيون و يخلي الواحد يعاطس





داجه من الجامعه هاجة/



أبغى تصور ساعة الحائط وابغى تصور أستديو نايـــــف






[فقط الأعضاء المسجلين والمفعلين يمكنهم رؤية الوصلات]


هذي ساعة الحائط ؛ وبالنسبة لـ استديو نايف ؛ ألحين كأنه منفجر فيه صاروخ كله حوسه .. :69: يعني التصوير مشفر






ابو خالد /



1_ البقالة الي عند بيتكم
2_مطعمك المفضل
3_ المغسله الي تغسل فيها اثيابك








[فقط الأعضاء المسجلين والمفعلين يمكنهم رؤية الوصلات]


طبعاً بما أن البقالات بعيده عن بيتنا / اركب السيارة و اروح اي شي . بعض المرات تصك براسي و اروح لم العثيم





[فقط الأعضاء المسجلين والمفعلين يمكنهم رؤية الوصلات]



هذا المطعم الي بالأغلب ادق رقبه عنده أنا وآحساسي و امير بنظرتي و الدحمي






[فقط الأعضاء المسجلين والمفعلين يمكنهم رؤية الوصلات]



هذي المغسلة وحده اوتوماتيك و الثانية هذيك الي تدور و أنت تناظرها :69:






عبدالمجيد /



انا اطلب منك صوره لأحسن مطعم تحب تاكل منه






[فقط الأعضاء المسجلين والمفعلين يمكنهم رؤية الوصلات]


والله يا عبدالمجيد أنا اشوف انك ماك خطير إلى ابعد درجة ؛ خاصة الظهر و أنا راجع بالشمس من الدوام اشتري منهم عسكريم صندي فراولة :82:






الطالب المقلع /



- صورة الحلاق أبو 5 ريال اللي تحلق عنده ( الحلاق نفسه ).
2- صورة المشط اللي تكد به شعرك.
3- صورة فنيلة دييجو اللي متحسف عليها حسافتن ماراحت ولا جت







[فقط الأعضاء المسجلين والمفعلين يمكنهم رؤية الوصلات]


تحسب أني مثلك اصف طابور قدامك 30 هندي ؛ أنا متعاقد مع حلاق كل اسبوع اطب عليه و احلق و اطلع على طول..




[فقط الأعضاء المسجلين والمفعلين يمكنهم رؤية الوصلات]



هذي صورة دييجو الله يمحا بليس فنيلته / يوم شريت الفنيلة انتقل لـ يوفنتس :113:




بالنسبة للمشط و الله وأنا اخوك اني عاجز اروح فوق علشان اصور مشط ؛ أنا بوصفه لكم ( مشط عنابي جهه تعور الراس وجهه ثانية عادية)





احلا بنوته /



- الملحق اللي دآيم مزووحي مسسنتر فيه :d
2- ثلآجتكم افتحهآ وصورهآ 3
- أقدم ششي عندك سواء صوره لبس هديه اي ششي







[فقط الأعضاء المسجلين والمفعلين يمكنهم رؤية الوصلات]


هذا الوكر الي حنا نطب عليكم من عنده ؛ ويظهر لكم الجهاز المكتبي الخاص بـ نايفينهو قبل أن يكون عنده لاب توب .





[فقط الأعضاء المسجلين والمفعلين يمكنهم رؤية الوصلات]



هذي الثلاجة فيها شوي حوسه / عاد أنا ما ودي يعني اضفضف وارتب . الشي على طبيعته احسن




[فقط الأعضاء المسجلين والمفعلين يمكنهم رؤية الوصلات]



هذي ميدالية ذهبية بعد فوز فريقنا فريق 5/أ على فريق 5/ب بالمباراة النهائية عام 1419هـ بدوري المدرسة ..





لابسه جنز ومفحطه بعنز



ابيك تجي3 صور للنصر يلا ورينا صورك يا نصراوي






[فقط الأعضاء المسجلين والمفعلين يمكنهم رؤية الوصلات]


أنا و أمير بنظرتي مع صاحب السمو الملكي الأمير فيصل بن عبدالرحمن بن سعود




[فقط الأعضاء المسجلين والمفعلين يمكنهم رؤية الوصلات]



أنا و اللاعب الكبير والنجم الجماهيري سعد بن مشعل الحارثي





[فقط الأعضاء المسجلين والمفعلين يمكنهم رؤية الوصلات]



عيال أخوي مع الكابتن الجوكر / أحمد بن ناصر البحري






يحق لك



تصور غرفة نومك





[فقط الأعضاء المسجلين والمفعلين يمكنهم رؤية الوصلات]


هذي غرفة النوم ويظهر حلم عن النصر يابس من الصبح لأنه ما اكتمل التحميل لأني صحيت من النوم قبل ما يخلص ؛ وقف الحلم عند يوم ان حمد الصقور يدبل الكورة والباب فاضي بالدقيقة 90 من الشوط الثاني ..





وفي الختام / أتمنى أني اكون قد وفقت في تقديم المطلوب ؛ و أيضاً أتمنى أن تنال الصور على رضا الجميع خااااصة (مرسول الحب و احلا بنوته ) و اقول لهم لا عاد تتعودنها وتورطوني مره ثانية :69:




جميع الحقوق محفوظة لـ منتديات جامعة الأقلاع



THAMER ® Copyright ©2000 - 2009

[مرســ الحب ــول]

خااااصة (مرسول الحب و احلا بنوته ) و اقول لهم لا عاد تتعودنها وتورطوني مره ثانية


الف الف الف شكر لك ثآآآمر على التصوووير
والله تصووير روعه

لا وابشرك من مشاريعنا انا وبنوته

1- عضو منكوب
2- عضو مسكين
3- عضو يكسر الخاطر

وكلها رااح نستفتحها فيك




اكرر شكري لك ثااامر وتحملك لنا

[سكر]

هههه فشيله ثامر فيه اماكن حوسه مثل الثلاجه والملحق . . كان قلت لي قبل ماتصور اضفهن لك.

اما مرسول الحب واحلا بنوته الله يستر منــكم تناقزن عيوني من قريت عضو مسكين وعضو منكوب ويكسر الخاطر . الله يستر منكم وش ناوين عليه ههههههههههههههههههههه

[RoYaL]

افاااا ما تفقنا كذا ؟؟

90 % من الصور اكسات ,,

يا ليت تعيد رفعهن مرتن ثانيه عشانها جبست معي لأخر درجه :)

[رايح جاي]

هههههههههههه

ماشاء الله عليك كفيت ووفيت

صور ولا احلى

واحلى شي كمان التصريفه لما تحطها مكان الصورة هع

الله يقويك ويعطيك العافية

إلا تعال ليش ما جيت زواج اخوي خخخخخخخخخ ؟

[ميرتومي]

هههههههههههههههههههههههههه

يعطيك العافية ثامر ربي يخليك
ماقصرت
تشكراراااااااات

[ميرتومي]

عبد المجيد الصور كلهن طالعات
ثامر ماقصر بس انت اللة يهديك مستعجل

[غرور انثى]

هههههههههههههههههههه الله يرجك ياثامر

الصور مرره خطيراات مرره

اما ها النصر يحكي عندك في كل مكان ماشاء الله

اماا اللي يترشح يا يروح في خرايطها

يعطيك العافيه على الصور الخطيرااات }ْ~

[alnory]

اشوفـك تصور .. وبعد مليون طعش الف خمسه سنه تذكـرت انك فـي ورطـه

اوومـا الثلاجـه ... لو مخلـين اضبطها لك كان ازيـن.. موب صح


لاهــنت

[THAMER]

لا وابشرك من مشاريعنا انا وبنوته

1- عضو منكوب
2- عضو مسكين
3- عضو يكسر الخاطر

وكلها رااح نستفتحها فيك



اقول افلقني بـ اسفنجة إذا شاركت :69: خلاص أنا قررت اعتزال و بسوي حفل اعتزال بمنتدى ريال مدريد ..

إلا تعال ليش ما جيت زواج اخوي خخخخخخخخخ ؟

أنا عندي دوام و أيضاً في مسغول مع ماما ما فيه نفرات اخو في البيت ..

[امير الشوق]

ههههههههههههههه


يعطيك العافيه ثامر

ربي يخليك ان شاء الله ..

[яαωαи]

ربي يع ـطيك الف ع ـآآفيه ثآآآمر على الصــور ~
تصووير رآآئع وممتع بنفس الوقت :p ,,
أبد شفت مشآريعنآ خلنآ نخلص من هذ1 وابشر بالثآني وانت أول مرششح هههههههههههههههههه
مآتقصر والله ,,
لك :152::22:

[ابطل قدعه]

هههههههههههههههههههههه

قهر كل العآلم طلبوآ ألآ انـآ :113:

يلآ خيرهـآ بغيرهآ ..

يسسلمو ثآمر الصور جدن وآضحه ..

[abo kaled]

الله يجزاك كل خير يا ثامر

وفية وكفية

[Tfa9eeL]

[فقط الأعضاء المسجلين والمفعلين يمكنهم رؤية الوصلات]


،’

اولآ شي آووب هذي بدلة الهلااال :SnipeR (102):

ثانيــآ .. شف وشلون الهنديْ مستانس وهو لابس بدله بهذي آلآلوآن !!

موووب مثل النصر آللي مآيشجعوونه آلآ الزوله .. :68:

عـ آلعمووووم ..:41:

صووور رووووعه وخطططيررره ~

وآحلىآ شيْ صوررة مآآك :14:

يعطيك العاافيــه