وين يروحن قريشات ابوكم ؟ ( الراتب بين التكاليف والمصاريف )

[الكافخ]

السلام عليكم ورحمة الله وبركاته ...


وش اخباركم ...؟ ان شاء الله مرتاحين ....؟ اهم شي تكونون مستانسسسسسسسين


هالمره ودنا نتكلم عن موضوع مهم يخص كل عائله بالعالم .. الي وهو موضوع الاقتصاد العائلي او المنزلي او اي اسم تشوفونه ينطبق


الاغلب يشتكي من كثر المصاريف وان القروش مدري وين يروحن له .. والغلا الي صاير و الفواتير و مدري وشو ..الخ


وبرغم اختلاف مقدار رواتبنا الا ان حاااااال الاغلب هي نفس الشي .

فابو الفين ريال زيييه زي ابو عشرين الف .. كلن يدفع قروووشه .. عاد احدن باسراف واحدن مظطر ولشي ظروري

وباخر الشهر المبلغ مستاوي وهو مقارب لاعلان الدجه والافلاس ..


وهذا الشي مستمر تقريبآ طوووووووووووووووووول سنوات مع اغلب الناس . فلا جديد بحياتهم ولا تفكير لتوفير


ولو الواحد مسك الاله الحاسبه وحسب المصاريف الشهريه .. الاجارو... و .... الخ يمكن ماتوصل نص الراتب . طيب وين الباقي ..؟


خلوكم معي بكلامي .. للجميع


الطالب يقدر يحدد مصاريفه والي ماله داعي ماله داعي .. ويوفر مبلغ لو هو شوووووووي .. لا تستهينون بالشوي


وانا اقول ان العزوبي يقدر يحدد التزاماته بالتقريب .. ويقدر يوفر من راتبه مهما كان


وحتى رب الاسره اذا كان انسان متفهم وكلم زوجته وعياله عن هالموضوع و وشلون نقدر نوفر ونتفاهم على الصرفيه و وش النتايج والمكاسب اذا رتبنا اموونا ..

المكاسب والنتايج كثيررررررررره ..


اذا كانو يخططون مثلآ .. .بخطه سمعتها من شخص كبير وخبير ..

يحط مبالغ الالتزامات على جمب مثل ( الاجار . الفواتير ) هذي شي مايمديك عليها لانها ضروريه .

ومبلغ تقريبي احتياط لطلعات والكشتات ...

اما المواد الغذائيه واغراض البيت فبعض الناس يعطي زوجته مبلغ مثلآ 250 كل اسبوع .. ويقول رتبي وضعك وحاجاتك على مقدارهن

اذا زاد شي فهو لك .. ولا تكلمينا عن النقص . بكذا تقل صرفية الحرمه وتحافظ على الفلوس وبدل ماتشتري بالكرتون راح تلقاها تشتري بالحبه وبالنص حبه

مثلأ نصف خياره ... ربع تفاحه .. قوطي صلصه مستعمل .. كيلو مويه << مدري وين تجي معه

يعني تستهلك على قد حاجتها واقل << عاد لا تسألون وش لون طباع الحرمه اذا صارت بخيله .

وبكذا يعرف الزوج كل شهر وش له وش عليه وكم صرف


انا طبقتها كم شهر الصراحه وفرت شي موووووب شوي . بس عجزت اصبر فابو طبيع مايجوز عن طبعه

متى ماطنت بالراس اسسسسسحب ووقف عند الصراف ..

والسلاااااام عليكم .؟ وش اخباركم ..؟ امي تسلم عليكم وتقول سلفونا ميتين .. وعلى طوووول جقن جققققق << صوت الصرااااف

ثم .. يالله مع السلامه الله لا يهيينكم الله يعز الحكومه سلمولي على الوالد .. وعششق الموتر وهج

وعلى هالحاله ... !!!

لو تسألني وين قروشك ..؟ وش تسوي بدراهمك ..؟ مدري كلن طار مع جهه


المراد والمقصد بكل الموضوع
انك اذا قسمت راتبك من البدايه على حاجياتك الضروريه و زود عليها شووي لترويييح والباقي حطه بحسابك وامسسك نفسك لا تجيييه

وحتى لو الموووفر شوووي باخر السنه راح تشوف ان بحسابك مبلغ موب سهل تقدر تسافرون فيه .. والا كمقدم لشراء سياره والا ارض

ميه كل شي = 1200 باخر السنه !! وعليك الحساب


مهووووب احسن من ان قروشك يطيرن الى المجهول .


وعلى ماقالو الريال الابيض اااقصد الريال الاخضر لليوم الاسود .

مانقول الواحد يصير بخيييل والا يحرم نفسه وامله على ابو انه توفير لابووووه لابو توفيره ..

اطنخ عمرك وعيالك بس لا توصل لحد الاسراف ولا تنسى توفر شي لهم بعيد .


اعذروني فالكلام وتفكير مشتت وان شاء الله انكم فهمتو المقصد . .


طيب هالحين نبي نعرف من ردودكم

وش تسوووون و وش تخططون بقريشاااااااااتكم والا بقريشااااات ابوكم ..؟


هل فيه خطط للاستفاده من الراتب ..؟


هل انت مسرف بالقروش ...؟


هل للحصاله مكان من حولك ..؟


ارجو ان يكون هذا الموضوع ذا اهميه وهدف

ولكم شكري وتقديري ..


الكااااافخ ..

[& مرير الشوق &]

شف يااخوي الكاافخ موضوعك مهم وحساس
واعتقد اغلب الاسر تعاني من هالنقطة
لان اغلبهم ماايوفرون مبلغ الى اخر الشهرر
ويظطر رب الاسرة يتسلف منا مناك علشان يكمل المصاريف ..
مع انه لو جيت للراتب تلقاه يكفيهم وزياده بس اللي ناقصهم
التخطيط السليم والصرف بقدر الحاجه ..
انا عن نفسي طالب ورأس مالي هالمكافأة اللي ماتتعدى الـ 900
مع ذلك اوفر مبلغ الى اخر الشهر لاني افكر اقبل لااصرف اي شي
الحمدلله مرتاح ومكيفيتني ومااعمري احتجت اتسلف من احد ..
بالمختصر المفيد الاهم بالراتب ( التخطيط ) علشان تعرف وين راح وكيف تصرفه ...
الف شكر على الموضوع اخوي الكافخ
تقبل مروري ..

[سكر]

اول شي اشكــرك على هـ المواضيع السنعه اللي تحطها لنا بقسم الاسرة

وثاني شي اجاوب مستعينه بالله <-- الله اكبر عاد يـا الاجوبه خخ المهم


وش تسوووون و وش تخططون بقريشاااااااااتكم والا بقريشااااات ابوكم ..؟
قروش ابوي هو يدبرهن
اما قروشي .. والله وش حليلي ايام الكليه مع ان مكافأتنا 850 .بس اني سويت فيها الكثير . درست بـ المعهد بقيمه مايقارب خمس ألاف من المكافاه و شريت لاب توبي بسم الله عليه من المكافأه . وأشياء كثيره . يمكن لانها كان فيها بركه ولاني كنت انظم مصروفي ولانهم يبطون ماعطونا مكافاه ثمين اذا عطونا . يعطونا كم الف
اما من عقب ايام المكافاه وفلوسي مابهن بركه كني سارقتهن بسم الله علينا

هل فيه خطط للاستفاده من الراتب ..؟
1 / حدد الأولويات وحط لها فلوسها على جنب .
2/ حط لك كم ريال على جنب لأيام الزنقات ، لان الزنقات تجي فجأه ومن غير سابق إنذار
وان شاء الله يبقى لك كم ريال توسع صدرك فيهن




هل انت مسرف بالقروش ...؟
لا والله لاني مسرفه ولا قعيطيه . (ولا تسرفوا ولا تقتراو و كان بين ذالك قواما )




هل للحصاله مكان من حولك ..؟
من زمااان حطيت انا واختي حصاله ونحط فيها باقي المصروف وباقي فلوسنا اذا جينا من السوق وكذا .. فتحناها بعد فتره لقينا فيه فوق الاربع ميه . عاد استانسنا هههه وسويناها مره ثانيه (عنز البدو طاحت بمريسه ) وجمعنا مبلغ اكثر منها
وعقبها ماعاد سويناها .

[الكافخ]

شف يااخوي الكاافخ موضوعك مهم وحساس
واعتقد اغلب الاسر تعاني من هالنقطة
لان اغلبهم ماايوفرون مبلغ الى اخر الشهرر
ويظطر رب الاسرة يتسلف منا مناك علشان يكمل المصاريف ..
مع انه لو جيت للراتب تلقاه يكفيهم وزياده بس اللي ناقصهم
التخطيط السليم والصرف بقدر الحاجه ..


صح ...

والمفروض ان الواحد يوفر ويخطط و يصير مستعد وماخذ احتياطاته مايدري وش يصير بالدنيا الله المستعان .

انا عن نفسي طالب ورأس مالي هالمكافأة اللي ماتتعدى الـ 900
مع ذلك اوفر مبلغ الى اخر الشهر لاني افكر اقبل لااصرف اي شي
الحمدلله مرتاح ومكيفيتني ومااعمري احتجت اتسلف من احد ..
بالمختصر المفيد الاهم بالراتب ( التخطيط ) علشان تعرف وين راح وكيف تصرفه ...



ماشاء الله عليك ... ان شاء الله يكون هالترتيب مستمر الىىىىى ان تتزوج ويجييك عيال ان شاء الله .


الف شكر على الموضوع اخوي الكافخ
تقبل مروري ..


الف شكر لك انت ايضآ على مرورك ومشاركتك الجميله

[الكافخ]

وش تسوووون و وش تخططون بقريشاااااااااتكم والا بقريشااااات ابوكم ..؟
قروش ابوي هو يدبرهن
اما قروشي .. والله وش حليلي ايام الكليه مع ان مكافأتنا 850 .بس اني سويت فيها الكثير . درست بـ المعهد بقيمه مايقارب خمس ألاف من المكافاه و شريت لاب توبي بسم الله عليه من المكافأه . وأشياء كثيره . يمكن لانها كان فيها بركه ولاني كنت انظم مصروفي ولانهم يبطون ماعطونا مكافاه ثمين اذا عطونا . يعطونا كم الف
اما من عقب ايام المكافاه وفلوسي مابهن بركه كني سارقتهن بسم الله علينا


الله يبارك لك بقريشاتك ويزيدهن ..

بس كلامنا عن التخطيط موب عن وين ووديتي فلوسسسك بالتفصيل





هل فيه خطط للاستفاده من الراتب ..؟
1 / حدد الأولويات وحط لها فلوسها على جنب .
2/ حط لك كم ريال على جنب لأيام الزنقات ، لان الزنقات تجي فجأه ومن غير سابق إنذار
وان شاء الله يبقى لك كم ريال توسع صدرك فيهن



ايه هذا الي نبي .

كلام سليم يخلي الواحد يحدد وجهته ويعرف طريق الهدف المقصود .. ويسهل اتباع الخطه




هل انت مسرف بالقروش ...؟
لا والله لاني مسرفه ولا قعيطيه . (ولا تسرفوا ولا تقتراو و كان بين ذالك قواما )

هل للحصاله مكان من حولك ..؟
من زمااان حطيت انا واختي حصاله ونحط فيها باقي المصروف وباقي فلوسنا اذا جينا من السوق وكذا .. فتحناها بعد فتره لقينا فيه فوق الاربع ميه . عاد استانسنا هههه وسويناها مره ثانيه (عنز البدو طاحت بمريسه ) وجمعنا مبلغ اكثر منها
وعقبها ماعاد سويناها .




كلام جميل ..

والله يرزقك بمشروع تجاري عشان تمخ مخين عليه مثل هالطقطقات الصغيره ..



الله يعطيك العافيه سكر بنات على هالرد والمشاركه الفعاله وان شاء الله يكون الاعظاء استفادو من تجرباتك ..


تشكرااااات ..

[سكر]

بس كلامنا عن التخطيط موب عن وين ووديتي فلوسسسك بالتفصيل






هههههههههههههههههههه
يحلفون بالله انك ماتعرف تفشلني ههههههههههههههههههههههههه
مقبوله منــك

[الوافي]

هلا وغلا

وش تسوووون و وش تخططون بقريشاااااااااتكم والا بقريشااااات ابوكم ..؟

كل واحد معه قروش يفكر بمشروع صغير يضمن فيه شي بعد التقاعد الله يحيينا ويحقنا خير والمفروض ان الواحد ما يعتمد على دراهم اهله بالعكس يعتمد على نفسه
هل فيه خطط للاستفاده من الراتب ..؟

ارض بالتقسيط لحفظ الدراهم افضل من هجولة على غير فايدة
هل انت مسرف بالقروش ...؟

يا ابن الحلال ان مسكنا القروش قالوا هذا بخيل وان ما مسكناها قالو لعاب وياكلونك اكل (احترنا )
هل للحصاله مكان من حولك ..؟

لا وللاسف فهي محطة انظار للحرمة انا احط وهي تاخذ , احسن حل حساب في بنك اخر وكل شهر اضع فيه شي القاه يعني ربع الراتب

من وجهة نظري السبيشل ان هالموضوع داخل النقاش يعني قسم الرأي والرأي الاخر مكانه الافضل وتقبل مروري المعتاد

[ABOMSHARE]

::

وعليكم السلام ورحمة الله وبركاته
بكل إختصار لو أن الشخص يبدي الضروريات ويضع ميزانية خاصة على قدر راتبه كل شهر ان شاءالله الامور بتكون تمام ، يعني راتبك 3000أو6000 والا 10000 اعمل لك ميزانية محددة يعني مثلاً كل يوم تصرف مبلغ معين أو بالاسبوع على حسب المزاج اهم شي لاتتعد صرفيتك أكثر من راتبك ،

لكن اللي نشوفه بعض الأشخاص مشخص بموتر تقول ياولد شكله توه رابح من صفقه تجاريه واخينا في الله ماخذها اقسااط ويتعشى فول وتميس ومبتلش بعمره ويقول وين احت الدراهم طبعاً هذا مثال فقط

::

طبعاً اللي بيجرب لو شهر راح يحس بالفرق والتجربة خير برهاان

والشكر موصو ل للأخ الكآفخ على طرح ـه

تحياتي للجميع ،،

[shoSH]

مشكووووووووووووووور الكاافخ ع الموضوع المهم ............

واشكرك مره ثانيه ......

[|[ أَفوُقَ الَوصًفَ ~..]

هل فيه خطط للاستفاده من الراتب ..؟

بما أني طالبه وفلوسي مااحتاجهااا كثيررر .. بس للأسف ترووح ع أشيااء بااايخه

بس في شي اتمنى الكل يسويه لانه في بركه .. ( كل شهر تاخذ من راتبك لو 50 ريال تشتري فيها اي شي .. عصيير .. أو مويه .. او وووو اي شي ) وتوزعه ع عمال النظافه او اللي يبنوون البيووت او اللي تشوفونه منااسب ..

هل انت مسرف بالقروش ...؟

بصرااحه أنواع الاسراااف .. والله ودي اكون مقتصدده بس وش اسوووي ..؟

هل للحصاله مكان من حولك ..؟

والله في حصاله شاريتها لي سننه ولا حطيت فيها شي

::

موضوع رااائعـ
ربي لايحرمنا تميزكـ

[яαωαи]

مووضووع رووعه :):) ,,

وش تسوووون و وش تخططون بقريشاااااااااتكم والا بقريشااااات ابوكم ..؟
طبعآ انآ ابووي يصرف علي :) ,,
توني طآلبه ,,
يعني مصرووفي بأيآم المدرسه الفسحه يعني 5 ريآل أنآ وأخووي حلو
خططنآ انو نبي نشتري بلآستيشن 3 وريآل على ريآآل جمعنآ 1800 بسس بترم وآآحد اللي هو الترم الثآني
لأن حنآ مخططين على ششي ونبيه صآرو يعطونآ أي فلوس بأي منآسبه نحطهآ
طبعآ اذآ جت طلعه والآ احتجنآ من هالفلووس انآ والآ اخووي نآخذ طبعآ مآيردنآ ششي فلوسنآ ^_^


هل فيه خطط للاستفاده من الراتب ..؟
مآفيشش رآتب :):)





هل انت مسرف بالقروش ...؟
والله مرآت ومرآآت مرآت مآأتحمل يكون فيه ريآآل بشنطتي وبعض الأحيآن لآ والله محترمه نفسي :)





هل للحصاله مكان من حولك ..؟
حنآ مو حصآله فيه مكآن ثآني

قرب يالكآفخ قرب إذنك
نحطهآ تحت السسرير ههههههههههه
وننسآهآ عشآن اذآ بغينآ والآ ششي نتعييجز هع ,,

مششكـور للمرهـ الألف عالموضووع المفيد ,