الشكوى والتشكي ... (عند الحاريم بالذات) [الأرشيف]

مشاهدة النسخة كاملة : الشكوى والتشكي ... (عند الحاريم بالذات)

الكافخ

28-May-2009, 05:07 PM

بسم الله الرحمن الرحيم

وش اخباركم وش علومكم وش لون بزرينكم واهلكم ....؟ << ال com مدهره ..

والله يعيني على هالجهاز الي بالطقاااااااق احرفه تكتب .. ..

اخواني الكرااااام ودي استفيد منكم بموضوع منتشر و يمكن يكون خطييييييير على نفسية الادمي .

الي هو موضوع الشكوى والتشكي ...

الادمي وبطبيعته يتشكى من كل شي ... عاد اما شكواه حصرها بينه وبين ربه وهذا شي مطلوب .

وما راح يخيب ظنه دامه اشتكى للقادر الخالق مدبر كل شي ..

والنوع الثاني .. الي هو يتعب القلب ويحبط النفس ويقهرها خااااصه اذا تعود عليه الشخص

وهو الشكوى والتشكي عند الناس ..

فقير على قولتنا دااااااااج هاااااااج ماغير يمشي ويتشكى عند الناس ..

انا ماكل الا طحينيه و اندومي .. ومالبس الا ثوب من العام .. وراتبي مايكفيني وعيالي .. وسيارتي قرمبع وبيتي صغير .... الخ !!!

وطالب مدرسه .. ماغير تشكي .. انا اروح المدرسه على رجليني و زملائي معهم سيارات وانا مامعي الا جوال الفارس و صديقي عبود مدري حمود مدري وش اسمه معه الباندا اااقصد n95 ...الخ !!!

والا شخص مع شهاده دراسيه ... وعااااااطل باطل ماغير يتسدح بالصاله عند امه ورافع رجلينه على الجدار وراسه تحت

وخذ من هالشكااااوي والتحلطمممم .
انا ماتوظفت .. موب مثل الي توظفو ومعهم سيارات و راتبهم و .. الخ ومعهم نفسسسس شهادتي
واهلي مايعطوني فلووس ولا يخلوني اسافر !!!

يعني هذي نبذه من بعض الشكاوي الي اغلب ابطالها من المراهقين و الي مابروسهم شي من التفكر والتعقل بالامور ..

فمانلومهم للاسباب السابق ذكرها ..

لكن الطااااامه الكبرى والمصيبه العظمى الي لااااااااايمكن يختلف بوجودها احد وهي تشكي الحاريم والبنات !!!

ويعلم الله ان فيه حاريم وبنات مايقاسن بالذهب وهن مضرب للمثل بلاخلاق والطبايع الكلام وبكل شي ..

لكن هالمره مافيه الا هجووووووووووم شرس وصريح الصراحه على صنف من الحاريم والبنات ماعلي منكم وشوفو لكم حل ...

تختلف شكاويهن

- حنا شقتنا فيها ومافيه .. البيبان خربنات والدرايش مقلعات ولاهنا جدار الا فيه نمل و ...الخ بس يخييلك انهم ساكنين بخرابه !!

.

والثانيه .. دورنا متكسر والسقف متشلخ و الدرايش صغار ومدخلنا ظيييق ولا حنب زي النااااااس الله مير يخلف علينا

و المطبخ قديييييييم قدييييييييييييم من اربع سنوات .. وغرفة النوم متكسره والسرير يصرصر والدواليب بدون بيبان ..!!

ووحده تقووول ..

انا ... !! بسسسسسسم الله علي ماروح السوق الا بالسنه مرتين بس << مره تشتري اغراض ومره ترجعهن

ابونا مايخلينا ولا يسمح نروح و اصلن انا حضي اقشر ولا نيب مثل الناس الي كل يوم بلاسواق ..

الي تقول ..
الناس سافرو لتركيا ولندن و ماليزيا وحنا الله مير يخلف الزلفي والقصيم ورجعنا ماغير جالسين بالرياض بسسسسسسسسس .. << مع صوت طقه بالخشه ( تسسسس ) وصفق اليدين على بعض .

والي تقول ..
وابوي ماعطاني ..ابوي ماخلاني .. ابوي ماوداني .. ابوي ما ....

وخذ... وخذ ..... وخذ..... من هلامثله

ولو تدقق وتنكشف الحقيقه كان عرفت مدى التهويل والتفخيم بالكلام عند الحرمه

اقوووووووووووول احمدو ربكم على كل شي

وحطو انظاركم على النعم الي الله وهبها لكم الي ماتعد ولا تحصى ...

واشكروه وحمدوووووه عليها

فاذا انتي ساكنه ببيت فانتي احس من من يسكن بدور
وان كنتي ساكنه بدور فانتي احسن من من يسكن شقه
واذا كنتي ساكنه بشقه فانتي احسن من من ساكنه هي وبزارينها بغرفه
واذا كنتي ساكنه بغرفه فانتي احسن بكثييييييييير من من ساكنه بعشه والا قطعة كرتون بالشوارع

والامثله على كل شي ...

واذا عندك اب والا ام .. فغيرك يتيم وغيرك مجهول وغيرك فقير مايقدرون اهله يسدون جوعه ..

وعاد انتي قارني كل شي عندك بمن هم اقل منك حتى تعرفين مقدار نعمة الله عليك ..

ومن هم افضل منك (بالمال او غيره)
لن يكونو افضل منك بالسعاده اذا كنتي تحملين تااااااج القناعه

فالقنعه كنزززززز من كنوز الدنيا التي لا تقدر بثمن

وكلنا نحمد الله تعالى على افضل واكبر النعم الي هي نعمة الاسلاااااام ..

ونعمة الصحه ونعمه المال ونعمة الابناء ونعمه الوالدين ونعمة ..... الخ فلن نستطيع عد نعم الله فهي لا تحصى

نقاط وفوائد اود ان اصل اليها ..

1- تذكر نعمة الله عليك بكل ماعطاك ورزقك و البس القناعه تعش مرتاح البال .

2- واياااااااااك ايااااااااااك اياااااااااااااااااااك ان تسولف و تتحلطم وتشتكي لغير الله مهما كان وظعك او حالتك

فهذا يصيبك بظعف الشخصيه ويدمر النفسيه ويوهمك بالهزل والانكسار والبلاده ويحارب تطلعاتك وطموحك

وافهم ان الي تشتكي له ماراح ينفعك ولا يلبيلك طلباتك. وبالعكس راح يعدك مسكييين وظعيييف ويرحم حالك

3- الوجب اننا مانظهر ظعفنا لاحد ونكون اقويا ونصبر ونحتسب حتى لو كانت على الاشياء العاديه .

تقبلو فلسفتي المعووووجه << احسها تقل ددسن مصدوم ويمشي عرض

وان شاء الله ان المقصد والهدف قد اتضح لكم

شكري وتحياتي لكم

اخوكم الكااااافخ .

عسسل

28-May-2009, 06:48 PM

ذكرتني بوحده بهالدنيا الله يذكرها بالخيير

بس هي من نوع غير تشكي من زووووووووووجها

1 _ تقول لنا ان زوجي جايب لنا اثاث خرابيط يطقطق وبناتها يحبون التفيخر يقولون ابوي جايب لنا اثاث بـ60 الف

2_جايب لنا سياره كنها وجهه كل يوم بالورشه يوم جت وشفنا السياره هايلوكس 2009 <<والله تحر الكبد
هذا بعض من فقعها مدري فقشها

الله يهدينا بس

الكافخ

29-May-2009, 03:56 AM

ذكرتني بوحده بهالدنيا الله يذكرها بالس هي من نوع غير تشكي
من زووووووووووجها

_ تقول لنا ان
زوجي

جايب لنا اثاث خرابيط يطقطق وبناتها يحبون التفيخر يقولون ابوي جايب لنا اثاث
بـ60 الف

_جايب لنا سياره كنها وجهه كل يوم بالورشه يوم جت وشفنا السيار
هايلوكس 2009

<<والله تحر الكبد
هذ
الله يهدينا بس

ا بعض من فقعها مدري فقشه

والي تشتكي من زوجها ... نوع من انواع التشكي

قوليلها يقول الكافخ ...

ان بدوامه واحد باليه الله بالسكار والمخدرات .. اللهم انك تعافيه ولا تبلانا ..

وزوجته و بزارينه مسكنهم بحووش ومصاريفهم على الله ثم اهل الخير ولا معه سياره

وقوليلها احمدي ربك وفيه ناس بالهند يستانسون وامنياتهم اذا ركبو سيكل وشلون اجل الهايلكس؟

ولو تقولين لبناتها ان مثل اثاثكم شايفته بحراج ابن قاسم << اهم شي فشليهم عشان نوبتن ثانيه ما يتبزبزون .

الف شكر على مرووووورك الرااائع الله يعطيتس العافيه ..

سكر

29-May-2009, 01:06 PM

موضوعــكـ جدا رائع ومهــم للجــميع
وأسئل الله ان يكــتب به النفع والفائده

الحريم غالبا يتشــكوون . يعــني مب قصدنا اتشكى يعني جب لي حل ..
لا بس كذا نحب نطــلع اللي بقلــوبنا ونرتاح . كذا ربي خالــقنا . اللي يضايقنا على طووول نهذري به ....... ودايم ودنا بـ الافضل ,,, عكس الرجال . اذا ضاق صدره من شيء يســكت لين يمشي الامور بالشكل اللي يشوف انه هو الافضل
(بخصوص هـ الامر انصح بـ قرأة كتاب الرجل من المريخ والمراءه من الزهره )

بس المشكـله لمـن تشــتكي ؟؟ او بـ الاصح لمن تفضــفض ..؟
--- الشكوى لـرجال ماله داعي ابد الا اذا احتـجتي المساعده منه فعلا . لانهم يطفشون من التشكي ومايحبونه ابـــــــــــــــــــــــــــــدا
--- وبعد مانشكــي لوحده نشره اخبار تمشي وتقول قالت فلانه و قالت علانه ..
--- و لا احب اشكــي لـ امي .. يضيــق صدرها ولا يرتفع ضغطها .
--- احسن شيء ادس تحت مخدتي دفتر وقلم واذا بغيت انام اطلعهن واشخمط حتى اذا كنت متضايقه تلقاني اكتب مثلا ليش صار كذا .. و .. وليش .. واقوم بكره من النوم ولا كانه صار امس شي ( ضعيفه ياحول ههههههههههههههههههههههههههههههههههههههههه )

وعموما .. الشكوى لغير الله مذله .. وماله داعي التشكــي الافضل ان الواحد يــســتعين بالله و يسعـى لـ تحسين الأمور قدر المســتطاع ..

اشكــرك على هذا الموضوع المميز و على اهتمامك بقسم الاسرة والمجتمع .. وآسفه على الاطاله

السيده العجوز

29-May-2009, 03:37 PM

اولا نحمدلله على هذا النعمه العظيمه من لله سبحانه

لاكن انا اخالفك خل الحريم يتكلمون عادي يطلعو الي بقلوبهم

والمفروض الرجل يجب شاء اام ام باء

بعدين النساء ككل تحب كثيرة الكلام بطبيعتهااا

واحنا نشكر لله او لا واخرا ولاهالرجل وش حاجتهم يجبون كل شي

وبس يالكافخ الرهيب والعجيب

تقبل خالص شكري لك وعساك على القوووه

Tfa9eeL

30-May-2009, 01:29 AM

الكافخ

30-May-2009, 11:01 PM

موضوعــكـ جدا رائع ومهــم للجــميع
وأسئل الله ان يكــتب به النفع والفائده

الحريم غالبا يتشــكوون . يعــني مب قصدنا اتشكى يعني جب لي حل ..
لا بس كذا نحب نطــلع اللي بقلــوبنا ونرتاح . كذا ربي خالــقنا . اللي يضايقنا على طووول نهذري به ....... ودايم ودنا بـ الافضل ,,, عكس الرجال . اذا ضاق صدره من شيء يســكت لين يمشي الامور بالشكل اللي يشوف انه هو الافضل
(بخصوص هـ الامر انصح بـ قرأة كتاب الرجل من المريخ والمراءه من الزهره )

هي غريزه وطبيعه بالانسان عمومآ ... و هذا مايخلينا نقول انها عاده حميده

الا نقول اذا كانت طبيعه وعاده فيجب على الواحد انه يقلل منها اقل شي ..

بس المشكـله لمـن تشــتكي ؟؟ او بـ الاصح لمن تفضــفض ..؟

اذا كان ولا بد
فالفضفه ربما تكون علاج نفسي وتنفييه وترويييح بس وش الي نفضفه ..؟
بس الشي الي بجد مشكل مشكله ومعاناة بمعنى الكلمه .. اما الفضفضه بأشياء يصبر عليها الانسان العادي !!

--- الشكوى لـرجال ماله داعي ابد الا اذا احتـجتي المساعده منه فعلا . لانهم يطفشون من التشكي ومايحبونه ابـــــــــــــــــــــــــــــدا
--- وبعد مانشكــي لوحده نشره اخبار تمشي وتقول قالت فلانه و قالت علانه ..

يعني ... مو كل الرجال .. فاكيد حول كل وحده العديد من الاخوان او الزوج او العم او الخال .. فاكيد راح يكون واحد منهم يحمل الاوصاف الي يستحق ان يفضفض له ..

وعموما .. الشكوى لغير الله مذله .. وماله داعي التشكــي الافضل ان الواحد يــســتعين بالله و يسعـى لـ تحسين الأمور قدر المســتطاع ..
اشكــرك على هذا الموضوع المميز و على اهتمامك بقسم الاسرة والمجتمع .. وآسفه على الاطاله

هذا هو الكلام وصميم الفكره الي انا ابي اوصلها من وجهة نظري ..

الف شكر على تطرقك للموضوع من عدة جهااااااات

والف شكر على هالمرور ..

الكافخ

30-May-2009, 11:23 PM

×شفايفـ التوتـ×

اولا نحمدلله على هذا النعمه العظيمه من لله سبحانه

لكن انا اخالفك خل الحريم يتكلمون عادي يطلعون الي بقلوبهم

اللهم لك الحمد ياااااااااااااااااااااااارب ..

وانا مقدر واحترم وجهة نظرك .. فانا انسان قد اكون غلطان بكلامي والا ما تصورت الموضوع صصصح والا شي .

لان الدعوى مجرد طرح راي وفكره استفيد واتعلم منكم ومن كلامك .
اوما كلااااام الحاريم وعلى ماقالو الفضفضه ..
ليتهم يفضفضون على شي يستاهل ..
والا علي شي بجد معكر حياتهم ومتعبهم نفسيآ والا شي ...
كل كلامهم وتشكيييهم عن اشياء ..!!

والمفروض الرجل يجب شاء ام اباء

بعدين النساء ككل تحب كثير الكلام بطبيعتهااا

يوم انها تحب الكلام ..
لا تتكلم الا بشكر الله وذكر نعمته عليها مهوووب كلاااام فيه تناقص والا تقليل من خيرآ الله عطاهم وحرم ملاااااااااااايين غيرهم بحكمة منه سبحانه

واحنا نشكر لله او لآ واخرآ والاهالرجال وش حاجتهم ..؟ يجبون كل شي

ههههههههههههههههههههههههههه الله يعيين زوووجك ..
اغلب الرجال يشتغلون ويكدون ويتعبون من صباح الله خير لمن ..؟
مهوووب عشان يوكلون اهلهم ..؟ وبعض الرجال يبيع الدنيا بفرحة عياله وسعادتهم بس مراااات محد يحس ولا يدري عنا :7:

وبس يالكافخ الرهيب والعجيب

تقبل خالص شكري لك وعساك على القوووه

حياااااااااك الله يا ×شفايفـ التوتـ× ..
ومشاركتك خربطت اوراقي وجلست افكر وشلون ارد عليك .. خاصه يوم طرحتي رايك ..
حيااااااك الله نورتي الموضوع بمرورك ..

الكافخ

30-May-2009, 11:28 PM

وآلله موضوع خطيرر:140:

التشكي معروف عند آلحريم ..

ومعروف ان اكثر النساء بالنآآر لانهن يكثرن الشكآوي ..وهذا ذكر بحديث الرسول عليه الصلآإة والسلآم ولا حبيت اكتبه لاني اخاف احرف فيه وآلآ شي

الله يستر علينا وعلى نساء المسلمين ..

انآ واعوذ بـ آلله من كلمة انآ .. كآفة خيري من شري .. ولآ احب شتكي الا بـ شي يستاهل اني اشتكي عششانه ..

ممتاز ... عساااااك على القوه وان شاء الله مايواجهك اااااي شي يظايقك وتحطين نجواااااك وشكواك لربك ..

الكآفخ ..

يعطيك الع ـآفيه اخوي على الموضوع القميل

الله يعافيتس ويحيييتس

الف الف شكر على هالمرور ..

فيروزيه

31-May-2009, 04:58 AM

هلا والله بالكافخ وبـ مواضيعه الرائعه والنافعه ..

عاد التشكي حدث ولا حرج خاصه عند الحريم الكبار مع احترامي لهم
اول ماتدخل عند الحريم ويسألونها وراكم تأخرتو على طول
ابونا لما قلت له ان احنا بنطلع الحين قعد ساعه يآكل يعاندني..
والا اذا طلعو مبكرين اول ماتدخل عند الناس تسلم وبعدها تقطع جلد ابوهم
ابونا شب عليناا ابونا ماعطانا ابونا ما فعل لنا .... الخ من شكاوي الحريم
واحيانا يبالغون وانا سامعتهم .. << لوتسمعهم تقول وش رجلها هذا وهو ماشاء الله مايقصر
انا ملاحظه اكثر شكاوي الحريم من ازواجهم اللي رجلها بخيل ((قعيطي على قولتهم))
اذا طلبت شي منه ومانفذه على طول مايبقى حرمه بحارتهم والا من اقرباهم ماتقول لها
واللي مايسافر بهم ما ادري وين تبي تسافر والمشكله انهم ماشاء الله بالعطله يتنقلون
بين ابها ومكه والمدينه وتقول مايودينا ... :11:

عاد اذا جينا للبيوت لازم تقول الله يخلف علينا الناس تطورو بـ بيوتهم واحنا ناشبين بهذي الخرابه
((وتطلع هذاك الصوت تسسسس)) الله يعوضنا الله يخلف على حظي
ابو الناس شرا لهم وابو الناس جاب لأهله وتمشى بهم
مشغله عيونها عند رجاجيل الناس وناسيه اللي سواه لها رجلها
للأسف هذا حال مجتمعاتنا اغلبهم كذا

خلاص معروف الحين من سواليف الحريم التشكي كل وحده تتشكى للثانيه
وتعال خذ وخل وفي بعضهم يضحّـكون اذا قعدو يتشكون ماتسمع الا ((تسسسس الله يخلف علينا))

بس مو شرط انه خلاص حرمه يعني كثيره شكاويها
في حريم قنوعات وفيه حريم ماتدري وش يرضيهم :113:

اما انا عن نفسي ما اشكي كثير
لأني ما احب ازعج خلق الله احب احل مشاكلي بنفسي
يعني اذا شكيت لأي احد ايش بيسوي لي
عاد ما ادري يمكن اذا كبرت تنتقل عدوى الحريم لي واجي ادبل كبودكم اتشكى عندكم :d

والسلام عليكم وش اخباركم مع السلامه :69:

حتى ظلي له مهابة

31-May-2009, 09:01 PM

الشكوى لغير الله مذلة
ولا يوجد بشر كامل ومن اهم عيوب المرأة التشكي
انا امرأة واقر بذلك
ولكن عندما تكون الشكوى على سبيل الفضفضة والترويح عن النفس مما يثقل كاهلها
بالنسبة لي فاني انصح الجميع اذا اراد شخص ما ان يشتكي همومه ويفضفض فليختار شخصا قريبا منه ويثق فيه ويكون هذا الشخص ذو حكمة ولو قليلا حتى ينصح الشاكي وييواسيه بكلامه الطيب المفيد
واشكر الكافخ الذي وضع النقاط على الحروف بموضوعه هذا

سفيرالحزن

04-Jun-2009, 02:07 AM

افااااا وييين ردي طاااار :001:

كتبت ردي المغرب وطار في آخر الليل :37:

والله قهر حبيت اشارك في الموضوع لان الموضوع اعجبني بس الشكوى لله

سكر

04-Jun-2009, 02:47 AM

سفير الحزن :
كلام اللــيل يمحوه النهار ههه
خلاص ردك اللي كتبه المغرب جاء نهار بكره وانمسح ..
اكتبه مره ثانيه . سمعنا رايكــ

& مرير الشوق &

05-Jun-2009, 07:41 PM

والله الموضوع مهم وقيم ورائع ... 3 × 1
التشكي اعتقد انه شي فطري بالانسان موجود عند اغلب الناس
سواء رجال ولا حريم ومعروف ابن ادم مايملى عينه شي
ممكن الحريم بزياده لان الحريم يحبن التباهي والتفاخر عند الناس ..
وياليت ان الانسان يقتنع باللي كاتبه الله له ويرضى بالمقسوم ..
ومثل مانتم عارفين القناعة هي اللي تعطي الانسان راحة وشعور بالرضا ..
( القناعة كنز لايفنى ) ياليت نحط هالحكمه قدام عيونا ونحس فيها ..
الف شكر على الموضوع اخوي الكافخ ..
تقبل مروري ..

فضه قلبها ابيض

05-Jun-2009, 09:36 PM

الكافخ

06-Jun-2009, 12:00 PM

هلا والله بالكافخ وبـ مواضيعه الرائعه والنافعه ..

هلااااااااااابك والله يا ĻőẅềЯ₣

عاد التشكي حدث ولا حرج خاصه عند الحريم الكبار مع احترامي لهم
اول ماتدخل عند الحريم ويسألونها وراكم تأخرتو على طول
ابونا لما قلت له ان احنا بنطلع الحين قعد ساعه يآكل يعاندني..
والا اذا طلعو مبكرين اول ماتدخل عند الناس تسلم وبعدها تقطع جلد ابوهم
ابونا شب عليناا ابونا ماعطانا ابونا ما فعل لنا .... الخ من شكاوي الحريم
واحيانا يبالغون وانا سامعتهم .. << لوتسمعهم تقول وش رجلها هذا وهو ماشاء الله مايقصر
انا ملاحظه اكثر شكاوي الحريم من ازواجهم اللي رجلها بخيل ((قعيطي على قولتهم))
اذا طلبت شي منه ومانفذه على طول مايبقى حرمه بحارتهم والا من اقرباهم ماتقول لها
واللي مايسافر بهم ما ادري وين تبي تسافر والمشكله انهم ماشاء الله بالعطله يتنقلون
بين ابها ومكه والمدينه وتقول مايودينا ... :11:

عاد اذا جينا للبيوت لازم تقول الله يخلف علينا الناس تطورو بـ بيوتهم واحنا ناشبين بهذي الخرابه
((وتطلع هذاك الصوت تسسسس)) الله يعوضنا الله يخلف على حظي
ابو الناس شرا لهم وابو الناس جاب لأهله وتمشى بهم
مشغله عيونها عند رجاجيل الناس وناسيه اللي سواه لها رجلها
للأسف هذا حال مجتمعاتنا اغلبهم كذا

خلاص معروف الحين من سواليف الحريم التشكي كل وحده تتشكى للثانيه
وتعال خذ وخل وفي بعضهم يضحّـكون اذا قعدو يتشكون ماتسمع الا ((تسسسس الله يخلف علينا))

بس مو شرط انه خلاص حرمه يعني كثيره شكاويها
في حريم قنوعات وفيه حريم ماتدري وش يرضيهم :113:

هههههههههههههههههههههههههه

ايه الله يرحم حالهن ..

اما انا عن نفسي ما اشكي كثير
لأني ما احب ازعج خلق الله احب احل مشاكلي بنفسي
يعني اذا شكيت لأي احد ايش بيسوي لي
عاد ما ادري يمكن اذا كبرت تنتقل عدوى الحريم لي واجي ادبل كبودكم اتشكى عندكم :d

والسلام عليكم وش اخباركم مع السلامه :69:

الله يقويك ويعطيك الصحه والعافيه ..

وان شاء الله دوووووووم ماتشتكين لاحد الا الله سبحانه

الله يوفقك ويسهل امورك يارب ..

الف الف الف شكر على هالمرور الرائع ĻőẅềЯ₣

الكافخ

06-Jun-2009, 12:25 PM

الشكوى لغير الله مذلة
ولا يوجد بشر كامل ومن اهم عيوب المرأة التشكي
انا امرأة واقر بذلك
ولكن عندما تكون الشكوى على سبيل الفضفضة والترويح عن النفس مما يثقل كاهلها

كلام عين الصواب
والفضفه مرااااات تتعدا حدودها ... والله يستر

بالنسبة لي فاني انصح الجميع اذا اراد شخص ما ان يشتكي همومه ويفضفض فليختار شخصا قريبا منه ويثق فيه ويكون هذا الشخص ذو حكمة ولو قليلا حتى ينصح الشاكي وييواسيه بكلامه الطيب المفيد
واشكر الكافخ الذي وضع النقاط على الحروف بموضوعه هذا

الف الف شكر على هالمشاركه والنصيحه الي قطعت نصف طريق حل مشكله الشكوى والتشكي المذكوره بموضوعنا

الله يعطيك العافيه هلاليه من الشرقيه .

الكافخ

06-Jun-2009, 12:40 PM

سفير الحزن

افااااا وييين ردي طاااار :001:

كتبت ردي المغرب وطار في آخر الليل :37:

والله قهر حبيت اشارك في الموضوع لان الموضوع اعجبني بس الشكوى لله

هههههههههههههههههههههههههه

الشكوى على الله وانا اخوك ..

انا جلست اشتغل باقسام ( القصص و الروايه ) حوول ثلاث ساعات

وراح شغلي غمضة عيين ..

يالله نعيش وناكل غيرها هذي الدنيا ..

حياااااااك الله واعتبر نفسك شاركت الله لا يهيينك ..

الكافخ

06-Jun-2009, 12:54 PM

& مرير الشوق &

والله الموضوع مهم وقيم ورائع ... 3 × 1
التشكي اعتقد انه شي فطري بالانسان موجود عند اغلب الناس
سواء رجال ولا حريم ومعروف ابن ادم مايملى عينه شي
ممكن الحريم بزياده لان الحريم يحبن التباهي والتفاخر عند الناس ..

اكيد .. مسيكينات هالحريييم ههههههه ..

وياليت ان الانسان يقتنع باللي كاتبه الله له ويرضى بالمقسوم ..
ومثل مانتم عارفين القناعة هي اللي تعطي الانسان راحة وشعور بالرضا ..
( القناعة كنز لايفنى ) ياليت نحط هالحكمه قدام عيونا ونحس فيها ..

كلااااااام سليم من عقل راجح ..

الله يعطيك العافيه اخووووووي
الف شكر على الموضوع اخوي الكافخ ..
تقبل مروري ..

الله يعافيك ويسلمك وانا اشكر اخوي & مرير الشوق & على هالمرور نورت بحضورك الله لا يهيينك .

الكافخ

06-Jun-2009, 01:10 PM

ههههههههههههههههههههههههههههههه ولا ازيدك من الشعر بيت [وحده تقول للثانيه وه بس منه ؟اكيد عرفته [زوجها]حتى ماتقول اسمه مادري يمكن تخاف ناكله اي اكمل وه بس منه ماعمرنا شفنا الباب مغير يدخل يهوش ويطلع يطق
والمسكين قاطع قلبها لها:44::93:ويهش الذبان عن وجهها تقول ليدي :11_5_14[1]:علا غفله

ههههههههههههههههه ياكثرهن والله يمكن تخاف لاحد ينظل زوجها ..

[اي مقيوله:99: الحريم :99:كفارات عشير:36:]طبعا هالكلام مولكل الحريم لاكن اغلبهم هذي حالتهم [وطبعا انا واعوذ بالله من كلمة انا من الصنف البرئ الي مايتشكي ]

ايه والله صدق ..

ياااااااااكثر مايجحدن اووووووم اومه بعد

واحد حج بزوجته مرتين واعتمر بها ثلاث مرات وحتى مره اظطر انه يكمل بها العمره وهو ماسكها مع يدها
ويوم مرت السنييييين ومدري وش قصر بشي ماجابه

الا قالت له .. انت اصلن ماشفنا منك خير ولا عمرك سويت لنا شي !!

ينعن اوووووووم الصدمه ياشيخ . لو انا كان ارميها بالرشاش

الله يعطيك العافيه
يافضه وقلبها ابيض نورتي موضوعي بمداخلتك الرائعه ..